රිදිමාලියද්ද කුරුවිතැන්න බඹරගහඋල්පත ප්‍ර දේශයේ ඊයේ (14) රාත්‍රි 7.30ට පමණ වන්දනාවේ ගොස් පැමිනෙමින් තිබු බස් රථයකට කාන්තාවන් දෙදෙනෙක් හැප්පී එක් කාන්තාවක් එම ස්ථානයේදීම ජිවිතක්ෂයට පත්ව ඇත. රෝහලට ඇතුලත් කිරිමෙන් පසු අනෙක් කාන්තාව මියගොස් ඇත. රිය අනතුරෙන් තුවාල ලැබු කාන්තාවක් පැයකට ආසන්න කාලයක් රෝහල් ගතකිරිමට ගම්වාසීන් කටයුතු නොකර මහ මග තබගෙන සිටී බවත් මාර්ගයේ ගමන් කල මාධ්‍ය වේදියෙකු මැදිහත් වී තුවාල ලැබු කාන්තාව රෝහල් ගත කර පවතක්ද එහි වෙති. ඉන්පසුව වන්දනා බසයේ සැමට ගම්මු උයා - පිහා කන්ඩ දුන් සිදුවීමක් රිදිමාලියද්ද කුරුවිතැන්න ප්‍ර දේශයෙන් වාර්ථාවේ.
මෙම අනතුරින් ජිවිතක්ෂයට පත් තරුණියගේ මවද තුවාල ලබා ප්‍රතිකාර සදහා (මාධ්‍ය වේදියාගේ මැදිහත් වීමෙන් පසු) ඌරණිය රෝහලට ඇතුලත් කිරිමෙන් අනතුරුව වැඩිදුර ප්‍රතිකාර සදහා මහියංගන රෝහල වෙත මාරුකර යවා ඇත. එහිදී මවද ජිවිතක්ෂයට පත්විය.
මෙලෙස මියගොස් ඇත්තේ අචිනි පබසරා පෙරේරා නම් වයස 18ක උපතින්ම ස්නායු ආබාධයකින් පෙළෙන කුරුවිතැන්න ප්‍ර දේශයේම ජිවත් වු යුවතියකි. (මන්ද මානසික තත්වයට සමානවු රෝගි ) ඇයගේ මව ගුණවති පෙරේරා නම් වන අතර වයස 54ක් පමණ වන කාන්තාවකි. පියා ඔහුන් හැරගොස් දීර්ඝ කාලයක් වේ. මියගිය කාන්තාවන් දෙදෙනාම රිදිමාලියද්ද, කුරුවිතැන්න, බඹරගහඋල්පත ප්‍රදේශයේ පදිංචිකාරියන් වේ.හගුරන්කොත සිට කතරගම දක්වා වන්දනා චාරිකාවක් ගොස් පැමිනෙමින් සිටියදී කුරුවිතැන්න බඹරගහඋල්පත ප්‍ර දේශයේදී බස් රථයකට මාර්ගය අසල සිටි කාන්තාවන් දෙදෙනෙකු පාරට පැණීම හේතුවෙන් වේගය පාලනය කර ගැනීමට නොහැකිව කාන්තාවන් දෙදෙනා බස් රථයේ ගැටී ඇත. රෝගි තරුණිය එම ස්ථානයේදීම මියගොස් ඇත. (මන්ද මානසික තරුණිය ) වන්දනා බස් රථයේ පැමිණි වයස්ගත කාන්තාවක් හිස බසයේ දොරේ වැදී සුලු තුවාල ලැබීය.
ප්‍රථමයෙන් මියගිය තරුණියගේ මෑණීයන් තුවාල ලබා මාර්ගයේ වැටී සිට ඇත. ගම්වාසීන් ඇයව රෝහලට රැගෙන යෑම විනාඩි 30 කට වඩා ප්‍රමාද කිරිම හේතුවෙන් එම ස්ථාණය හරහා වහනයකින් ගමන් කරමින් සිටි පුද්ගලයෙකු රැස්ව සිටි පිරිසට දොස්නාගා තුවාල ලැබු කාන්තාව රෝහල් ගත කරන්නට කටයුතු කර ඇත. එම අවස්ථාවේ ගම්වාසින් හා එමු පුද්ගලයා අතර උණුසුම් වචන හුවමාරුවක් සිදුව ඇති අතර ගම්විසින් ඔහුගේ අනන්න්‍යතාවය විමසු විට මාධ්‍ය ආයතනයක හැදුනුම් පතක්ද ගම්වාසින් හට ඉදිරිපත් කර තමා අසවලා යැයි පුද්ගල නාමක් සදහන් කර ඇත. එය ඔහුගේ සත්‍ය නම නොව පංති පවත්වන ජනප්‍රිය ගුරුවරයෙකුගේ නමක් බව ගම්වාසීන් අන්තර්ජලය ඔස්සේ පරික්ෂාකර බැලීමෙන් පසුව චෝදනා කරති. එම පුද්ගලයා ගම්වාසින් හා ග්‍රාමනිළධාරි වරයාහට අසිමිතව දෝශාරෝපණය කල බවට ගම්වාසීන් පවසති. පොලිසිය මැදිහත්ව පාර්ශව දෙක සමතතයකය පත් කර ඇත.
පසුව වන්දනා බසයේ සිටි පිරිසට කුරුවිතැන්න ගම්වාසීන් මැදිහත්ව කුරුවිතැන්න ශ්‍රි බෝධිරුක්කාරාම විහාරස්ථානයට කැදවාගෙන ගොස් රාත්‍රිය නවාතැන් ගැනීම සදහා ශාලාපහසුකම් වැසිකිලි කැසිකිලි පහසුකම් ලබාදී, තේපැන් සංග්‍රහ කලේය.
විහාරස්ථානයේ හිමිවරු හා ගම්වාසීන් කඩිනමින් මැදිහත් වී රාත්‍රි කෑම පිස බස්රථයේ පැමිණි පිරිසට සංග්‍රහ කර ඇත. පොලිසිය විසින් අනතුරට පත් බස් රථය පොලිසිය වෙත රැගෙන යෑම හේතුවෙන් රාත්‍රිෙය් මහමග අතර මං වු, වයස්ගත වැඩිහිටියන් කුඩා අතදරුවන් අතැතිව සිටි වන්දනා නඩයේ පිරිස ගම්වාසීන්ගේ වාහන කිහිපයක් යොදා ගනිමින් විහාරස්ථානය වෙත කැදවාගෙන ගොස් ඇත. ඒ සදහා විහාරස්ථානයේ හිමිවරු ගම්වාසින් හා ප්‍ර දේශයේ ග්‍රාමසේවක මහතා එක්ව කටයුතු කර තිබුනි. වසමේ ග්‍රාම නිළධාරිවරයා හා පසමේ පදිංචි වෙනත් වසමක රාජකාරි සිදුකරනා ග්‍රාම නිළධාරිවරියක්ද මේ සදහා සහයෝගය ලබාදී ඇත.
කුරුවිතැන්න ගම්වාසීන් තමන් අසරණ වු මොහොතේ දෙවියන්ට සලකන අයුරින් පුදසත්කාර සිදු කර මානසිකව සැනසුබවත් , උයා පිහා කුසට අහරක් සපයා සත්කාර සිදු කල බවත්, විහාස්ථානයේ මහාසංඝරත්නයටත් කුරුවිතැන්න ව්‍යාපාරික ප්‍රජවටත්, ගම්වාසී තරුණ තරුණියන් හටත්, ග්‍රාමනිළධාරිවරයාහටත් සිය හෘදයාංගම ස්තූතිය වන්දනා නඩයේ සිටි පිරිස විසින් පුද කර සිටියේය.
තුවාල ලැබුවන් රෝහල් ගත කන්න ප්‍රමද වුයේ කුහණ හේතුවක් නිසාද යන්න පිළිබද රිය අනතුරු වාර්ථා කිරිම සදහා එම ස්ථානය වෙත ලගා වු ප්‍රා දේශිය මධ්‍ය වේද්න් ගම්වාසියෙකුගෙන් විමසු විට “ මම සිද්දිය දැක්කා. දෙන්නා බෝක්කුව උඩ වාඩිවෙලා හිටියේ. අතින් අල්ල ගත්තා. පාරට පැන්නා. බස්එකේ හැප්පුනා දෙන්නාම. එය දෙන්නා ටිකක් මන්ද මානසිකයි. රෙදිගලවගෙන සමහරදාට පාරේ නිදාගෙන ඉන්නවා. මේ පැත්තෙ බස්කාරයෝ දන්නවා ඒ ගැන. පාරෙන් අයින් කරගෙන යන්න එයාලා දන්නවා ඒ හින්දා. ගමේ කට්ටිය උදව්කරන්න යන්නේ නැත්තේ ඔය දෙන්නා අතින් ඇල්ලුවෙත් දුෂණය කරන්ඩ ආවා කියලා පොලිසියේ පැමිණිලි දානවා. ඒ හින්දා කව්රුවත් උදව් කරන්ඩ යන්නේ නෑ. අන්න ඒක තමයි උනේ. ඒ වෙලාවේ කට්ටියක් ඇවිත් අපිට කෑ ගැහුවා.ග්‍රාමසේවක මහත්තයත් ඒවෙලාවේ ආවා. එයාලාගෙ කිසි වැරද්දක් නෑ. මේ ගැන ඒ හැමෝම දන්නවා. බේරෙන්ඩ බැරිහින්දා තමයි එයාලා පැත්තකට වෙලා හිටියේ. අපිට උනත් උදව් කරන්ඩ බැරි අන්න ඒකයි “ යැයි ප්‍රකාශ කර සිටියේය.
සිද්ධිය සම්බන්දයෙන් මහියංගන පොලිසියේ රථවාහන අංශයේ නිළධාරින් පරික්ෂණ පවත්වති.
No comments:
Post a Comment