අත්‍යාවශ්‍ය භාණ්ඩ ප්‍රවාහණය මුවාවෙන් රිදිමාලියද්ද, ඇකිරියන්කුඹුර සිට මහනුවර දක්වා ප්‍රවාහණය කල තේක්ක දැව කදන් 45ක් ප්‍රවාහණය කල ලොරියක් එහි රියදුරු සමග ඊයේ (28) මහියංගන පොලිසිය මගින් අත් අඩංගුවට ගන්නා ලදී.
තේක්ක දැව කදන් තොගය ලක්ෂ 8ක් පමණ වටිනාකම යුතු බව මහියංගන පොලිසිය පවසන අතර දැව වල වටිනාකම තක්සේරු කිරිම සදහා කටයුතු යොදා ඇත.
කාලයක් සිට සැක නොසිතන පරිදි අත්‍යාවශ්‍ය භාණ්ඩ ප්‍රවාහණය කරන මුවාවෙන් මෙම දැව ජාවාරම සිදු කර ඇති බවට පොලිසිය සැක ඵල කර සිටි. ලොරි රථයද ඒ ආකාරයෙන් සකසා ඇත. දැව,ලොරි රථය හා රියදුරු මහියංගන මහේස්ත්‍රාත් අධිකරණයට ඉදිරිපත් කිරිමට නියමිතව තිබේ.
මහියංගන සහකාර පොලිස් අධිකාරි උජිත් ලියනගේ මහතගේ උපදෙස් මත මහියංගන පොලිස්ථානාධිපති තිස්ස කුමාර මහතා හා උ.පො.ප. ඒකනායක, පො.සැ.22354 විජේවර්ධන, 54197 චමින්ද, 80019 ගුණරත්න, 71119 එකනායක, 87153 අබේකෝන්, 370 දිසානායක ඇතුලු පොලිස් නිළධාරින් පරික්ෂණ පවත්වති.
No comments:
Post a Comment