තිස්‌ස ගුණතිලක
පසුබිම් තොරතුරු රංජිත් කරුණාවීර, ප්‍රවීණ සේනාධීර
2015-12-05
පසුබිම් තොරතුරු රංජිත් කරුණාවීර, ප්‍රවීණ සේනාධීර
2015-12-05
බස්‌නායක මුදියන්සේලාගේ රම්‍යා විදර්ශනී අබේවර්ධන නම් තරුණිය දූෂණය කර මරා දැමීම මුළු රටම කම්පාවට පත්කළ සිද්ධියක්‌ විය.
ඇය මේ විපතට ගොදුරු වන විට වයස අවුරුදු දහඅටක තරුණියක්‌ වූවාය. කුඩා කාලයේ සිටම පවුලේ අඟහිඟකම් හේතුවෙන් දුක්‌ඛ දොaමනස්‌සයන්ට මුහුණ දෙමින් එයින් හෙම්බත්ව සිටි ඇය යමක්‌ කමක්‌ තේරුම් යන වයස වන විට සිහින මැව්වේ කුමන හෝ රැකියාවක්‌ කර පවුලේ ආර්ථිකය ශක්‌තිමත් කිරීමටය. ඒ බලාපොරොත්තු සිතේ ගුලිකරගෙන සිටි ඇය පාසල් අධ්‍යාපනය සාමාන්‍ය පෙළ කඩඉමෙන් නතර කර මහියංගනය ශේඩ් ඇඟළුම් ආයතනයට ඉල්ලුම්පත් යෑව්වාය. ඒ සඳහා ඇය සුදුසුකම් ලබන විට ඇගේ තරමට සතුටු වූ තවත් කිහිප දෙදෙනක්‌ ඇය අසලින් සිටියේය.
පාසලෙන් පිටවූ විගස ඇඟළුම්හලට අඩිය තැබූ ඇයට නව රැකියාව නුහුරුය. එහෙත් ඒ අසීරු කඩඉම් පසුකරමින් තෙමසක්‌ තුළ ඇය යහළු යෙහෙළියන්ගේද සිත් දිනා ගනිමින් නව ජීවිතය යම් රිද්මයකට හුරුකර ගත්තාය. ඉකුත් පළමුවනදා ඇය රැකියාවට යන්නේද ඒ සුපුරුදු පැතුම් පොදි බැඳි මානසිකත්වයෙනි. රම්‍යා විදර්ශනී ද එය නොවෙනස්‌ වූ අතර ඇය නොදැනීම ළඟාවෙමින් සිsටියේ ඒ සනාතකන දහමටය. ඇය එදික හිරිපොද වැටෙන ගොම්මන් අඳුර වැටෙන යාමයේ වෙනදා මෙන්ම නේක බලාපොරොත්තු පොදි බැඳ තම මාමාගේ නිවසට පැමිණෙමින් සිටියාය. තම පවුල, කියාව, අනාගතය පිළිබඳ සුභ සිහින පොදි ඒ අතර තිබුණා විය යුතුය. නමුත් තම නවාතැනට මීටර සියයක්‌ පමණ තිබියදී කාමාතුරයෙක්‌ පැමිණ හදිසියේම ඇය ඩැහැගෙන අසල ළඳු කැළයට ඇදගෙන ගියේය. එයින් මිදීමට ඇය ගත් වෙහෙස නිෂ්ඵල විය. ඇගේ අහිංසක සිහිනපොදි සමගම කාමාතුරයා ඒ තරුණියගේ ආත්මයම සූරාකා ඇය ඝාතනය කර දැමුවේය.
එදින නියමිත වෙලාවට රම්‍යා නිවසට නොපැමිණි නිසා ඝන කළුවර ක්‍රමයෙන් වැඩිවෛත්ම ඇය නැවතී සිටි නිවෙස්‌ නිවැසියන් තැතිගත්තේය. ගම්වාසීන් සමඟ ඒ පිළිබඳ විපරම් කිරීමේදි නිවසට මඳක්‌ ඈතින් ඇති කැලෑ රොදක්‌ අසල වැටී තිබූ ඇගේ ජංගම දුරකථනයත කුඩයත් හමුවිය. එය අනතුරක්‌ වූ බවට සලකුණක්‌ බව වටහා ගත් ගම්වාසීන් විගස ඒ පිළිබඳ මහියංගනය පොලිසියේ රාත්‍රී ජංගම මුර සංචාරක රථයේ නිලධාරීන් දැනුවත් කළේය. එහෙත් ගම්වාසීන් හා එක්‌ව පොලිසිය කළ සෝදිසියේදී දින රම්‍යා පිළිබඳ කිසිදු හෝඩුවාවක්‌ සොයා ගැනීමට ඔවුන්ට නොහැකි විය.
නමුත් ඊට පසුදින ගම්වාසීන් යළිත් රම්‍යා සොයා අලුකැටියාව තේක්‌ක කැළය පීරනවිට නිරුවත්කර මරා දමා තිබූ රම්‍යාගේ සිරුර සොයා ගැනීමට හැකි විය. ඒ ඇය අතුරදන්ව තිබූ ස්‌ථානයේ සිට මීටර් 800 - 1000 පමණ දුරක කැළය අභ්‍යන්තරයෙනි. ඒ වනවිට ඇය අමානුෂික අයුරින් දූෂණය කර මරා දමා තිබෙන සලකුණු තිබිණි. මියයන මොහොතේ ඇතිවූ වේදනාව හේතුවෙන් ඇගේ ගෙලෙහි වූ රං මාලය සපාගෙනම ඇය අවසන් හුස්‌ම පොද හෙළා තිබුණාය.
අවාසනාවක තරම නම් මේ අහිංසක තරුණිය සොයා තේක්‌ක කැළය පීරද්දී නිරුවත් කළ ඇගේ ප්‍රාණය නිරුද්ධ සිරුර හමුවී ඇත්තේ ඇගේම බාලසොහොයුරාටය.
සාපරාධයක්‌ සිදුකර කිසිදාක ලොවෙන් වසන් වී සිටිය නොහැකි බවට ඉතිහාසයේ ඕනෑ තරම් සාක්‌ෂි ඇත. මේ ඝාතනයේ සැකකාර තරුණයා ඇය ඝාතනය කර පළාගොස්‌ තිබුණේ හෝඩුවාවක්‌ ඉතිරිකරමින්ය. තරුණිය දූෂණය කර මරා දැමූ ස්‌ථානයේ තමන් පයලාගෙන තිබූ පාවහන් යුගල ඝාතකයාට අමතකව දමා ගොස්‌ තිබුණේය. ඝාතකයා සොයා පොලිස්‌ නිල සුනඛයන් යොදවා ගම්වාසීන්ද සමඟ පොලිසිය දිගු මෙහෙයුමක්‌ සිදු කළේ එම හෝඩුවාව ඔස්‌සේය. ඒ වනවිට මළ සිරු අසළ තිබූ රෝස පැහැති පාවහන් යුගල පිළිබඳ ගම්වාසීන් විශේෂ තොරතුරු කිහිපයක්‌ පොලිසියට දන්වා තිබිණි. එය සනාථ කරමින් පාවහන් යුගල ඉව කළ සුනඛයා ගම්මානයේ තරුණයෙකුගේ නිවසට ගියේය. එම නිවසේ ඒ වනවිට සිටි සැකකරුගේ මවගෙන් ප්‍රශ්න කිරීමේදී එම පාවහන් යුගල ඔහුගේ නොවන බව ප්‍රකාශ කළත්, සැකකරුගේ බාල සොහොයුරාගෙන් කළ ප්‍රශ්න කිරීමේදී එය ඔහුට අයත් එකක්‌ බව තහවුරු වීමට එතරම් කාලයක්‌ ගත නොවීය.
ඉන්පසු පොලිසිය මුහුණ දුන් බරපතලම ගැටලුව පලාගොස්‌ ඇති සැකකරු සොයා ගැනීමය. නමුත් අදාළ සැකකරු තමන්ගේ බාලවයස්‌කාර බිරිඳ බලහත්කාරයෙන් ගම්මානයේ ඝන කැළයකට ඇදගෙන යන අයුරු එහි සිටි ඇතැම් ගැමියන් දැක ඇත. ඒ තොරතුරු මත පොලිසිය ගම්වාසීන්ගේද සහයෙන් කැළය පීරා සැකකරු අසලට ළඟාවනවිට ඔහු බිරිඳට ද වස පොවා ඔහුද වස පානය කර කළ පව් සෝදාගෙන ජීවිතයෙන් පළා යැමට උත්සාහ දරා තිබිණි. ගම්වාසීන් එක්‌ව ඔවුන් මහියංගනය රෝහලට රැගෙන ගොස්‌ ප්‍රතිකාර කිරීමෙන් පසු බාල වයස්‌කාර තරුණිය පොලිසියට පවසා ඇත්තේ සිද්ධිය වූ දින සැකරකැ වැස්‌සේ තෙමීගෙන නිවසට පැමිණ පොලිසිය තමන් සොයන බව පවසමින් තමන්ද කැළයට ඇදගෙන ගිය බවය.
ඒ කුමක්‌ වෙතත් ඔවුන්ගේ සංකීර්ණ ලෝකයෙන් එහා සිටි රම්‍යාගේ ජීවිතය තලා පෙලූ ඝාතකයා ඇය සදහටම නිහඬ කළාය. ඒ පවට වගකිවයුතු බවට සැකකරන පුද්ගලයාට මීට පෙර විවාහයේ බිරිඳ අතහැර දමා පැමිණ, බාල වයස්‌කාරියක්‌ සමඟ පවුල් කෑම සම්බන්ධයෙන් මහියංගනය මහෙස්‌ත්‍රාත් අධිකරණයේ නඩුවක්‌ද විභාග වෙමින් පවතින්නේය. මේ සාහසික ක්‍රියාවේ ඔහුගේ සම්බන්ධය හෙට දිනයේ හෙළිවනු ඇත. ලොව කිසිදු අපරාධයක්‌ කිසි දිනක සැඟවී තිබෙන්නේ නැත.
No comments:
Post a Comment