පාර මාරුවෙමින් සිටි මගියෙකු මෝටර් රථයක ගැටීමෙන් මිය ගොස් ඇත.

පසුගිය සිකුරාදා (27දින) රාත්‍රී 7.30ට පමණ ගිරාඳුරුකෝට්ටේ කෘෂිකර්ම පර්යේෂණ ගොවිපළ අසලදී පාර මාරුවෙමින් සිටි මගියෙකු මෝටර් රථයක ගැටීමෙන් මිය ගොස් ඇත.
මෙසේ මියගොස් ඇත්තේ හොබරියාව ඩී2 අංක36 දරණ නිවසේ . ඒ.එම්.ජී.අබේසිංහ බණ්ඩා නමැති 57 හැවිරිදි තිදරු පියෙකි.ඔහු ගිරාඳුරුකෝට්ටේ නගරයේ සිට සිය නිවෙස බලා යමින් සිටියදී මෙලෙස අනතුරට ලක්ව ඇත.
අනතුර සිදු කළ මෝටර් රථය දෙහි අත්තකණ්ඩිය ඇඟලුම් කම්හලක සේවයට යොදවා ගන්නා ලද එකක් බව අනාවරණය වී ඇති අතර එය දෙහිඅත්තකණ්ඩියේ සිට මහියංගණය බලා ධාවනය කරමින් සිටියදී මෙම අනතුර සිදුවීඇත.
මෝටර් රථයේ රියැදුරු තුවාල ලබා මහියංගණය මූලික රෝහලේ ප්‍රතිකාර ලබයි.
ගිරාඳුරුකෝට්ටේ පොළීසියේ ස්ථානාධිපති පොළිස් පරීක්ෂක මොහාන්ද සිල්වා මහතාගේ උපදෙස් මත රථවාහන අංශයේ ස්ථානාධිපති පො.සැ.54189 විජේරත්න,පො.සැ.62241 පියදාස,පො.කො.36020 මල්දෙණිය යන නිළධාරිහු පරීක්ෂණ මෙහෙයවූහ.