පාසැල් කමිසට උඩට ඇවිත් තිබුනා යැයි පවසමින් මිනිපේ ප්‍ර දේශයේ පාසැලක විදුහල් පතිවරයෙක් පසුගිය සිකුරාදා දරුවෙකුගේ කණට ගසා ඇති අතර ඒ හේතුවෙන් දරුවා කනේ කැක්කුම හා කන් නොඇසීම හේතුවෙන් මහියංගන මුලික රෝහල වෙත ඇතුලත් කර ඇත.
මෙසේ ප්‍රතිකාර සදහා රෝහල වෙත ඇතුලත් කර ඇත්තේ දහම් රසංග රාජපක්ෂ(13) 34/18, ඔරුවලයාය, මොරයාය, මිනිපේ යන ලිපිනයේ පදිංචි, මොරයාය සංඝබෝධි විද්‍යාලයේ 8 වසරේ ඉගෙනුම ලබන දරුවෙකි. සදුදා (අද 29) දහවල් වන තුරුද දරුවා මහියංගන රෝහලේ නේවාසික ප්‍රතිකාර ලැබු අතර මේ වන තුරු කණ හරියාකාරව නොඇසෙන බව දහම් පවසති.
දරුවා වැරද්දක් කර තිබුනේ නම් කෝටුවක් මගින් දරුවාට දඩුවම් දිමට තිබු බවත් මේ ආකාරයෙන් අමානුශික අන්දමින් පහරදීම හෙලා දකින බව දරුවගේ මව වන චන්ද්‍රානි රාජපක්ෂ(40) මහත්මිය ප්‍රකාශ කරන අතර මේ සම්බන්දයෙන් හසලක පොලිසියේ පැමිනිල්ලක්ද දමා ඇති බව ඇය පවසන්නිය.
සිද්දිය සම්බන්දයෙන් හසලක පොලිසියේ නිළධාරින් විසින් විමර්ශන කටයුතු සිදු කෙරේ.
No comments:
Post a Comment