8:56 PM 2/12/2016
පුරාවිද්‍යා දෙපාර්තමේන්තුව යටතේ පාලනය වන රිටිගල රක්‍ෂිතය නැරඹීමට පැමිණෙන විදේශීකයන්ගෙන් විනිවිද භාවයකින් තොරව එම ස්ථානයේ රාජකාරි කරන පුරා විද්‍යා නිලධාරින් විසින් මුදල් ලබා ගන්නේ යැයි කියන සිද්ධියක් සම්බන්ධයෙන් විද්‍යුත් හා මුද්‍රිත මාධ්‍ය ගණනාවක ප්‍රාදේශීය මාධ්‍යවේදියෙකු වශයෙන් කටයුතු කරන කාංචන කුමාර ආරියදාස මහතා එම වංචාව මාධ්‍ය මගින් රටට හෙළි කිරිමෙන් පසු පුරාවිද්‍යා බලධාරීන් එම වංචාව සිදුකරන තම නිලධාරින්ට එරෙහිව විනය ක්‍රියා මාර්ග නොගෙන එම ජාවාරම හෙළිදරව් කළ ප්‍රාදේශීය මාධ්‍යෙවේදියාට එරෙහිව නීතිමය පියවර ගැනිමට ගලෙන්බිදුණු වැව පොලිසියට පැමිණීලි කිරිමට එරෙහිව විරෝධය පාමින් දිවයින පුරා ප්‍රාදේශීය මාධ්‍යවේදීන් කොළඹ පුරාවිද්‍යා දෙපාර්තමේන්තුව ඉදිරිපිට උද්ඝෝෂණයක් ආරම්භ කර තිබෙනවා. දිවයිනේ ප්‍රාදේශීය මාධ්‍යෙවිදී සංගම් ගණනාවක් විසින් සංවිධානය කළ මෙම උද්ඝෝෂණයට සහභාගි වුණ සියලූම ප්‍රාදේශීය මාධ්‍යවේදීන් පවසා සිටින්නේ කාංචන කුමාර ආරියදාස මහතාට එරෙහිව ගලෙන්බිදුණු වැව පොලිසියට කළ පැමිණීල්ල ඉල්ලා අස්කර ගන්නා ලෙසය. ප්‍රාදේශීය මාධ්‍යවේදීන් දෙස් විදෙස් විද්‍යුත් හා මුද්‍රිත මාධ්‍ය වලට ප්‍රදේශයේ සිදුවන දූෂණ වංචා රටට හා ලොවට හෙළි කරමින් විශාල කාර්ය භාරයක් ඉටුකරන මධ්‍යෙවේදීන් පිරිසක්. එවැනි ප්‍රාදේශීය මාධ්‍යවේදීන්ටද වත්මන් රජය මගින් ලබා දුන්නේ යැයි කියන මාධ්‍ය නිදහස ලැබිය යුතු බවයි ප්‍රාදේශීය මාධ්‍යවේදීන් ඉල්ලා සිටින්නේ.
බදුල්ලේ විරෝධතාවය
මාධ්‍යයට අනිසි බලපැම් කළා යැයි පුරාවිද්‍යා දෙපාර්තමේන්තුවට එරෙහිව බදුල්ල දිස්ත්‍රිකයේ මාධ්‍යවේදීන් පිරිසක් ඌව පළාත් සභාව ඉදිරිපි‍ටදී විරොධතාවක නිරත විය.
මාධ්‍යයට අනිසි බලපැම් කළා යැයි පුරාවිද්‍යා දෙපාර්තමේන්තුවට එරෙහිව බදුල්ල දිස්ත්‍රිකයේ මාධ්‍යවේදීන් පිරිසක් ඌව පළාත් සභාව ඉදිරිපි‍ටදී විරොධතාවක නිරත විය.
No comments:
Post a Comment