කොරියාවේදී මියගිය තිදෙනාගේ සිරුරු අද ශ්‍රී ලංකාවට
ශිරාන් රණසිංහ
http://www.divaina.com/2012/05/11/news08.html...
හදිසි ගිනිගැනීමකින් දකුණු කොරියාවේදී මියගිය තරුණයන් තිදෙනාගේ මෘත දේහ අද (11 වැනිදා) ඔවුන්ගේ ඥතීන් වෙත ලබා දීමට කටයුතු යොදා ඇති බව ශ්‍රී ලංකා විදේශ සේවා නියුක්‌ති කාර්යාංශයේ සභාපති අමල් සේනාලංකාධිකාර මහතා පවසයි.විදේශ රැකියා ප්‍රවර්ධන හා සුබසාධන අමාත්‍ය ඩිලාන් පෙරේරා මහතා මෙම සිදුවීමෙන් අනතුරුව මියගිය තරුණයන්ගේ සිරුරු කඩිනමින් මෙරටට ගෙන ඒමට අවශ්‍ය කටයුතු යොදන ලෙස හා ඔවුන්ට වන්දි ලබාදීමට ඇති හැකියාව පිළිබඳ සොයාබලන ලෙස දකුණු කොරියාවේ ශ්‍රී ලංකා තානාපති කාර්යාල නිලධාරීන්ගෙන් ඉල්ලීම් කොට තිබේ. ඒ අනුව මෘත දේහයන් පිළිබඳ මරණ පරීක්‍ෂණ සිදුකිරීමෙන් අනතුරුව විදේශ කටයුතු අමාත්‍යංශයේ සහයෝගය සහිතව සිරුරු ඉතා ඉක්‌මනින් දිවයිනට ගෙන ඒමට කටයුතු කළ බවද ඒ මහතා පැවැසීය. මියගිය තරුණයන් සේවය කළ ආයතනය ඔවුන්ගේ සිරුරු මෙරටට ගෙන්වාදීමට අනුග්‍රහය දක්‌වනබව අමාත්‍යවරයා වෙත දන්වා තිබේ.මියගිය එම තරුණයන් වෙනුවෙන් කාර්යාංශය රක්‍ෂණ වන්දි ලබාදීමට කටයුතු කරන බව පැවැසූ ඒ මහතා ගින්නට ලක්‌ වූ හෝටලය මගින් යම් වන්දි මුදලක්‌ මියගිය අය වෙනුවෙන් ලබාගැනීමට ඇති හැකියාව පිළිබඳව සොයා බලන බවද පැවැසීය.
No comments:
Post a Comment