2008 ක්‍රියාන්විතයේදී ආබාධිත වූ දෙහිඅත්තකණ්‌ඩිය රණවිරුවා දැයෙන් සමුගනීදෙහිඅත්තකණ්ඩිය - රණතුංග
http://www.divaina.com/2012/06/22/news28.html
කිලිනොච්චි අක්‌කරායන්කුලම් ප්‍රදේශයේදී 2008 සැප්තැම්බර් 02 වැනිදා ක්‍රියාන්විත රාජකාරියේ යෙදී සි...ටියදී ත්‍රස්‌තවාදී ප්‍රහාරයකට ලක්‌ව ආබාධිත තත්ත්වයකට පත්ව මොළේ හා සිරුරේ තිබූ බෝම්බ කෑලි නිසා නිතරම දැඩි වේදනාවෙන් සිටි හමුදා විරුවකු දෙහිඅත්තකණ්‌ඩිය නාගස්‌වැව ගම්මානයේදී හදිසියේම මියගිය බව වාර්තාවේ.
සිංහ රෙජිමේන්තුවේ 04 වන බලඇණියේ සේවය කළ රයිµල් සෙබළ (365349) දෙහිඅත්තකණ්‌ඩිය නාගස්‌වැව අංක 53 පදිංචි එක්‌දරු පියකු මෙසේ හදිසියේම මියගියේය. හමුදා රණවිරුවාගේ අවසන් කටයුතු හමුදා උත්තමාචාර මැද පසුගියදා නාගස්‌වැව පොදු සුසාන භූමියේදී සිදු කරන ලදී.
අත්තනායක මුදියන්සේලාගේ ප්‍රියංගනී අත්තනායක බිරිඳ (25), වික්‍රමආරච්චිලාගේ දිල්සර ලක්‍ෂාන් වික්‍රමආරච්චි (06) පුතකු සිටින අතර 1981 ජුනි 17 දින ඉඟිනියාගලදී උපත ලබා 2000 ඔක්‌තෝම්බර් 28 දින මාදුරුඔය හමුදා පුහුණු පාසලෙන් 33 වැනි පුහුණුව සාර්ථකව නිම කර 2001 වර්ෂයේ ජනවාරි 30 වන දින 06 වැනි සිංහ රෙජිමේන්තුවට ඇතුළත්වී ඇත.
රිවිරැස, කිණිහිර 09, අග්නි‚ල 01, වන්නි මානුෂීය මෙහෙයුම වැනි ක්‍රියාන්විත රාජකාරි මැනවින් ඉටුකොට පූර්ණභූමි උතුරු නැගෙනහිර මානුෂීය පදක්‌කම, වන්නි මානුෂීය හා දේශපුත්‍ර ඇතුළු පදක්‌කම් රැසකින් පිදුම් ලබා මෙම රණවිරුවා රාජකාරි නිවාඩු රැගෙන සිටියදී 27 දින දෙහිඅත්තකණ්‌ඩිය රෝහලට ඇතුළත් කිරීමෙන් පසු මියගියේය.
මෙම රණවිරුවාගේ අවසන් කටයුතු හමුදා උත්තමාචාර මැද කර්නල් මහානාද, කර්නල් සේනාරත්න, මේජර් සේනානායක, මේජර් කේ. පී. එල්. පෙරේරා, සඳුන්පුර හමුදා කඳවුරේ ලුතිනන් එස්‌. කේ. එA. ඉන්ද්‍රසිරි යන මහත්වරුන්ගේ ප්‍රධානත්වයෙන් පැවැත්විණි.
නාගස්‌වැව විහාරාධිපති ශාස්‌ත්‍රපති සද්ධා මංගල නායක හිමි ආගමික කටයුතු සිදු කළහ.
No comments:
Post a Comment