මීගගහකිවුල මොරහෙල ගම්වාසීහු පිරිසක්‌ ඊයේ (27 දා) උදෑසන මීගහකිවුල කොට්‌ඨාස අධ්‍යාපන අධ්‍යක්‍ෂ කාර්යාලය ඉදිරිපිට සංවිධානය කිරීමට සූදානම් වූ උද්ඝෝෂණයක්‌ දෙමාපියන් හා කොට්‌ඨාස අධ්‍යාපන අධ්‍යක්‍ෂවරයා අ...තර ඇතිවූ සුහද දුරකථන සංවාදයකින් පසුව නතර කර දැමීමට දෙමාපිය පිරිස කටයුතු කළහ.
මීගහකිවුල අධ්‍යාපන කොට්‌ඨාසයට අයත් මොරහෙල මහා විද්‍යාලයේ අධික ගුරු හිඟයක්‌ පවතිත්දීත් විදුහලේ ගුරුවරුන්ට ස්‌ථාන මාරුවීම් ලබාදීම හා ගුරු හිඟය පියවීමට කටයුතු නොකිරීම සම්බන්ධයෙන් අධ්‍යාපන බලධාරීන්ට සිය විරෝධතාව ප්‍රකාශ කිරීම දෙමාපියන් එහි පැමිණීමේ අරමුණ විය.
ඊයේ (27) උදෑසන අටට පමණ බස්‌ රථයකින් පැමිණි පිරිස කොට්‌ඨාස අධ්‍යාපන අධ්‍යක්‍ෂ එම්. ඒ. නන්දසිරිද සිල්වා මහතා එහි පැමිණෙන තුරු රැඳී සිටියත් ඔහු ප්‍රදේශයේ පාසලක ක්‍රීඩා උළෙලකට සහභාගි වී සිටින බව දැනගත් දෙමාපිය පිරිස ඔහු පැමිණෙන තෙක්‌ එහි රැඳී සිටීමට තීරණය කළහ. කන්දකැටිය - පී. චතුරංග
එහෙත් තමන්ට විසඳුමක්‌ ලබා ගැනීම පිණිස ඔවුන් ඊයේ දිනයේ ම බදුල්ල කලාප අධ්‍යාපන අධ්‍යක්‍ෂවරයා හමුවට යන බවද කියා සිටියේය.
http://www.divaina.com/2013/02/28/news15.html
No comments:
Post a Comment