මහවැලි ගලේ වැලි ජාවාරම නැවතත් ජයටම - මහවැලි ගග මැද වැලි පටවා තුන්වෙනි වරටත් පොලිස් අත් අඩංගුවට

2016-08-24 ප.ව. 1:40

මහියංගනයේ මහවැලි ගගේ නිති විරෝධි ආකාරයෙන් බළපත්‍ර කොන්දේසි උල්ලන්ගනය කරමින් දේශපාලන බලය හා නිළධාරින්ගේ සහයෙන් සිදුකරනා වැලි ජාවාරම නැවත් ක්‍රියාත්මකයි. මහවැලි ගග මැද වැලි පටවමින් තිබු ටැක්ටර් රථයක් අද (24) පොලිස් අත් අඩංගුවය ගත් බව මහියංග පොලිසිය පවසනවා. නිතිවිරොධි ආකාරයෙන් තුන් වන වරටත් එම වැලිතොටුපලෙහි වැලි ට්‍රැක්ටර් පොලිස් අත් අත් අඩංගුවට පත් විය.

මෙසේ නිති විරෝධි ආකාරයෙන් රජයේ ලංකා පිගන් සංස්ථාවට අයත් මහියංගන ගඩොල් - උලු කම්හලට අයත් ඉඩමේ මහවැලි ගං තොටුපලෙහි මෙම වැලි ජාවාරම සිදු වන අතර මහවැලි ගග මැදට මාර්ගයක් කපා, වැලි ට්‍රැක්ටර් වතුරට බස්සවා නිති විරෝධි ආකාරයෙන් වැලි කැනිම සිදු කරගෙන යන්නේ බළපත්‍ර කොන්දේසි අමු අමුවේ උල්ලන්ගනය කරමිනි.

අවස්ථා දෙකකදී පොලිසිය විසින් මෙම ජාවාරම් කරුවන් නිතියේ රැහැනට කොටු කර අධිකරණ අධිකරණය හමුවට පත් කර දඩ නියම කෙරිනි. මහියංගනයේ මහවැලි ගගේ නිති විරෝධි ආකාරයෙන් දේශපාලන බලය හා නිළධාරින්ගේ සහයෙන් සිදුකරනා වැලි ජාවාරමක් පිළිබදව පසුගියද මාධ්‍ය මගින් අවස්ථා කිහිපයකදී අනාවරණය කිරිමත් සමග කොළඹ භූවිද්‍යා හා පතල් කාර්යාංශයේ හා බදුල්ල කාර්යාලයේ නිළධාරින් කිහිප දෙනෙකු එම වැලි තොට පරික්ෂා කිරිම සදහා පැමිණියේය.

එහිදි මහියංගන ලංකා පිගන් සංස්ථාවේ කළමණාකාරවරයා නිළධාරින් හට පොරොන්දු වුයේ නිවැරදි ආකාරයෙන් බලපත්‍ර කොන්දේසි රකිමින් වැලි තොටුපල පවත්වාගෙන යන බවටත් බදු කරුවන් නිරන්තරයෙන් අධික්ෂණය කර කිසිදු නිතිවිරෝධි කටයුත්තක් සිදු කිරිමට ඉඩ නොතබන බවයි.

විධිමත් ටෙන්ඩර් පටිපාටියකින් තොරව රජයේ ලංකා පිගන් සංස්ථාවට අයත් ඉඩමේ පවත්වාගෙන යන මෙම වැලි තොටුපල අවම ලංසුව ඉදිරිපත් කල පුද්ගලයාහට දිමට කටයුතු කලේය. බදු කොන්දේසි උල්ලන්ගනය කරමින් නැවත නැවත පවත්වාගෙන යන මෙම වැලි තොටුපල බදු ගිවිසුම අවලංගු කර නැවත් වෙන්දේසි කිරිමට හෝ ඊලග වැඩිම ලංසුව ඉදිරිපත් කල පුද්ගලයා හට ලබාදිමට හැකියාව පවතී.

මහියංගන සහකාර පොලිස්‌ අධිකාරි උජිත් ලියනගේ මහතාගේ මෙහෙයවීමෙන් මහියංගනය පොලිස්‌ ස්‌ථානාධිපති තිස්‌ස කුමාර මහතාගේ උපදෙස්මත වැලි ටැක්ටර් අත් අඩංගුවට ගත් අතර මහියංගන මහේස්ත්‍රාත් අධිකරණය වෙත නැවත ඉදිරිපත් කිරිමට නියමිතව තිබේ.