රට වෙනුවෙන් දිවි පරදුවට තැබූ හසලක ගාමිණී දැයෙන් සමුගෙන වසර 25 යි - සැමරුම හසලක රණවිරු පිළිරුව අභියසදී.

2016-07-14 ප.ව. 2:08

උතුරුකරයේ රුදුරු යුද්දයේදි
දිනක් අගිමංකඩ කැළේ
සියලු බළමුලු කඩාගෙන ඉදිරියට ආ සතුරන් බළේ
උතුම් විරුවකු ලෙසින් එඩි පා රකිනුවස් මතු තුන් හෙලේ
නමින් හසලක වීරයා වු ඔබයි විරුවා මුලු සිංහලේ

වැදු අම්මාට තිබු සෙනෙහස උපන් බිමටත් ඇති උනේ
වැදු අම්මා ලෙසින් රැකගනු උපන් දේශය මිනිසුනේ
දිවිපුදා රුකදුන්නු උරුමෙට වසර විසිපහ අද දිනේ
ඔබේ නාමෙට තාම රතු මල් පිපෙනවා ‍මේ පිංබිමේ......
බෝම්බ පුරවාගෙන පැමිණි සතුරු යුද ටැංකියකට පැන රට ජාතිය වෙනුවෙන් ජිවිත කැප කල හසලක ගාමිනි කුලරත්ණ රණ විරුවා දැයෙනු සමුගෙන වසර 25 ක් සම්පර්ණ විම නිමිති කර ගනිමන් හසලක ගාමිණි කුලරත්න රණ විරුවගේ පිලිරුව අභියස ඊයේ (14) දහවල් පැවති පුෂ්පෝපාහාර වැඩ සටහනේදී හසලක ශ්‍රි පුෂ්පෝරාම විහාරාධිකාරි රාජකිය පන්ඩිත වනරව සුනන්ද හිමියන් කවියෙන් හසලක වීර ගාමිනි කුලරත්න විරුවාන් පිළිබද කාව්‍ය දේශනාවක් කරමින් එලෙස කවියෙන් පිං අනුමෝදන් කල සේක.
පුරා වසර තිහක්‌ මුළුල්ලේ අපේ රටට මහත් විනාශයක්‌ සිදු කළ කොටි ත්‍රස්‌තවාදී යුද සමයේ අලිමංකඩ යුද හමුදා කඳවුරට එල්ලවීමට ගිය දරුණු බෝම්බ ප්‍රහාරය සිය ජීවිතය පූජා කරමින් වැළැක්‌වූ මෙන්ම සහෝදර සෙබළුන් 1500 කට ආසන්න පිරිසකගේ ජීවිත බේරා දුන් හසලක වීර ගාමිණී සෙබළා දැයෙන් සමුගෙන මෙම ජුලි 14 වැනි දිනට වසර විසිපහක්‌ සපිරේ.
යුදහමුදා උත්තමාචාර මධ්‍ය යයයේ රණ විරුවාගේ මෑණියන් වන වයි.ජි. ජුලියට්‌ මාතාව විසින් හසලක රණවිරු ගාමිණි කුලරත්න පිළිරුව අභියසදී පුෂ්පෝපහාරය සිදුකර ගෞරව බහුමානයෙන් යුතුව සිහිපත් කලේය.
තෝරපිටිය ශ්‍රි නිග්‍රෝධාරාමාදිපති ශ්‍රාස්ත්‍රෙව්දි පොද්දල්ගොඩ දම්මානන්ද හිමි විසින් ආගමික වතාවත් සිදු කර පුණ්‍යානුමෝදන සිදු කර පිං අනුමෝදන් කර සිටි සේක. එම අවස්ථාව සදහා සංචාරක සංවර්ධන, ක්‍රිස්‌තියානි ආගමික කටයුතු හා ඉඩම් අමාත්‍ය ජෝන් අමරතුංග මහතාගේ උපදෙස්‌ පරිදි ඔහුගේ මාධ්‍ය ලේකම්, බස්‌නාහිර පළාත් සභාවේ හිටපු අමාත්‍ය ලෝරන්ස්‌ මාදිවල මහතා ඇතුළු එම අමාත්‍යාංශයේ නිලධාරීහු පිරිසක්‌ හා සිංහ රෙජිමේන්තුවේ 111 වන බළාසේනාකයේ සේනාධිපති බ්‍රිගේඩියර් ඉන්ද්‍රජිත් බංඩාර හා යුද හමුදා සාමාජිකයන් සහබාගි විය.

1966 සැප්තැම්බර් 22 වැනි දින හසලකදී උපත ලද වීර ගාමිණී හෙවත් ගාමිණී කුලරත්න හය‌දෙනකුගෙන් යුත් පවුලේ දෙවැන්නා විය.

හසලක ප්‍රදේශයේ ගොවියකු වූ වයි. බී. බබානිස්‌ ගාමිණීගේ පියා වූ අතර 1980 දී ඔහු මිය ගියේය. වයි. ජි. ජුලියට්‌ නමැති සිය මෑණියන් ද සෙසු සොහොයුරන් සහ සොහොයුරිය සමග ගාමිණී ජීවත් වූයේ හසලක ප්‍රදේශයේ කුඩා පැල්පතකය.

සාමාන්‍ය සෙබළකු ලෙස සේවයට බැඳුණු ගාමිණී කුලරත්න මිය යන විට ලාන්ස්‌ කෝප්‍රල්වරයකු ලෙස සේවය කරමින් සිටියේය.

ගාමිණී රණවිරුවා සිය ජීවිතය පුදා අලිමංකඩ හමුදා කඳවුරේ 1500 කට ආසන්න හමුදා සෙබළුන්ගේ ජීවිත බේරාගනු ලැබුයේ 1991 ජුලි මස 14 වැනි දිනයේදීය.

මෙම වීර ක්‍රියාව වෙනුවෙන් මෙම රණවිරුවා "පරම වීර විභූෂණ" සම්මානයෙන් පිදුම් ලැබීය. පසුව ඔහු සිහිවීමට පිළිරූ දෙකක්‌ද ඉදිකරනු ලැබිණි. ඉන් එකක්‌ ඔහු දිවි පිදූ අලිමංකඩ හමුදා කඳවුර අසල ඉදිකෙරුණු අතර අනෙක්‌ පිළිරුව ඔහුගේ ගම් ප්‍රදේශය වූ හසලක නගරයේ ඉදිකර තිබේ.
රට දැය වෙනුවෙන් සිය දිවි පිදූ හසලක ගාමිණී කුලරත්න රණවිරුවා රටට මෙන්ම දැයට ද මහත් අභිමානයකි.
පසුගිය කාලයේ වීර ගාමිණී සෙබළාගේ මෑණියන් . වයි. ජි. ජුලියට්‌ මාතාව මහත් කනස්සල්ලෙන් පසු වු කරුණක් තිබුනා. ඒ පිළිබද ඇය නොකියු කෙනෙක් නොකියු ඇමති වරයෙක් නොමැති තරම්ය. අප එම කනස්සල්ලට පිලිතුරු ලැබුනේද යන්න විමසා සිටියා. “ මට දරුවො 06ක් ඉන්නවා. පිරිමි 5යි. ගැහැණු දරුවයි. එකපුතෙක් තමයි රටජාතිය වෙනුවෙන් දිවි පිදුවෙ. මේ වන කොට වසර 25ක් වෙනවා පුතා නැති වෙලා. එයා ඒ කරපු විර ක්‍රියාව වෙනුවෙන් අපේ පව්ලේ දරුවෙකුට සුදුසුකම් අනුව රජයේ රැකියාවක් ලබාදෙන්න කියලා පසුගිය පැවති රජයන් වලට මම ඉල්ලිම් කලා. ඇමතිවරු ගොඩක් අයට කිව්වා. ඉල්ලිම් කලා. ලිපි දුන්නා. අපේ පව්ලේ දරුවෙක්ට ආන්ඩුවේ ස්තිර රැකියාවක් තමයි ඉල්ලුවේ. ඒත් හම්බ උනේ නෑ. බාලම පුතා පෞගලිකව ගොඩාක් වෙහෙසිලා රියදුරු රැකියාවක් ගත්තා. ඒකටත් රජයෙන් සහයෝගයක් ලැබුනේ නෑ. දැන් මගේ දරුවො රජයේ රුකියා කරන තරමට වඩා වයසට ගිහින් .මම දැන් කියන්නේ මට දැන් මුනුබුරෝ කිහිප දෙනෙක් ඉන්නවා. ඔහුන් හොදට ඉගෙන ගෙන ඉන්නවා. ගාමිණි කුලරත්න රණවිරු මගේ පුතාට කරන ගෞරවයක් ලෙස හෝ ඒ මුණුබුරන්ටවත් රජයේ රැකියාවක් ලබාදෙන ලෙස මම රජයෙන් ඉල්ලනාවා“ යැය පැවසීය.

පුෂ්පෝපහාරය සදහා හසලක වීර ගාමිණී සෙබළාගේ මෑණියන් . වයි. ජි. ජුලියට්‌ මාතාව සහ පවුල් සාමාජිකයන්, බස්‌නාහිර පළාත් සභාවේ හිටපු අමාත්‍ය ලෝරන්ස්‌ මාදිවල මහතා, සම්බන්ධකරන ලේකම් ආර් වී කුමාර හා නිෂාන්ත සුගත්, සිංහ රෙජිමේන්තුවේ 111 වන බළාසේනාකයේ සේනාධිපති බ්‍රිගේඩියර් ඉන්ද්‍රජිත් බංඩාර හා යුද හමුදා සාමාජිකයන්, මිනිපේ ප්‍රාෙද්ශිය ලේකම් සමන්ති නාගස්තැන්න මහත්මිය, මිනිපේ කොට්ඨාශ අධ්‍යපන අධ්‍යක්ෂක එස් එස් සමරකොන් මහතා, යන මහතුන් හා ගම්වාසීන් සහභාගි වු අතර, පාසල් දරු දැරියන් සඳහා අභ්‍යාස පොත් ප්‍රදානයක්‌ ද මෙම අවස්‌ථාවේදී සිදු කෙරිනි.