වෙසක් පෝය දින රාත්‍රියේ මහියංගන නගරයේ අරක්කු විකුණු පුද්ගලයෙකු පසුගිය 21 දින රාත්‍රි මහියංගන පොලිසිය මගින් අත් අඩංගුවට ගෙන මහියංගන මහේස්ත්‍රාත් අධිකරණයට ඉදිරිපත් කිරිමෙන් පසු මහේස්ත්‍රාත් තිෂානි තේනබදු මහත්මිය විසින් රුපියල් 38000ක් දඩ නියම කරනු ලැබීය.
මහියංගන නගරයේ ප්‍රසිද්ධ ස්ථානයක බලපත්‍ර නොමැතිව රජයේ අරක්කු විකිණිම යන චෝදනාව යටතේ ඔහු අධිකරණය හමුවට පැමිණ විය.
අරක්කු ලොකු බෝතල් 4ක් බාගෙ බෝතල් 12ක්, කාලේ බෝතල් 17ක් හා බියර් ටින් 07ක් අත් අඩංගුවට පත් විය.
මහියංගන සහකාර පොලිස් අධිකාරි උජිත් ලියනගේ මහතගේ උපදෙස් මත මහියංගන පොලිස්ථානාධිපති තිස්ස කුමාර මහතාගේ මග පෙන් වීමෙන් පො.සැ.2236 විමලසිරි,29144 එදිරිසුරිය, පො.කො. 68726 ජයරත්න, 56814 කෝනාර යන අය විසින් මෙම වැටලිම සිදු කරනු ලැබීය.
No comments:
Post a Comment