12/25/2013
11:43:15 AM
මහියංගන මාපාකඩ වැව 17 කණුව ප්‍රදේශයේ වෙළෙද
සැලක අලෙවි කරමින් තිබු ආහාර පරික්ෂාව සදහා ගිය මහියංගන මහජන සෞඛ වෛද්‍ය නිළධාරි කාර්යාලයේ
මහජන සෞඛ පරික්ෂක වරයෙකු හට ව්‍යාපාරික හිමියා විසින් එම ස්ථානයේ බලහත්කාරයෙන්
රදවා තබාගෙන බැන තර්ජනය කිමට විරුද්දව මහියංගන
මහේස්ත්‍රාත් අධිකරණයේ පවරන ලද නඩුවේ තින්දුවට අනුව ව්‍යාපාරික හිමියාට රුපියල්
10000ක දඩයක් හා වසර පහකට අත්හිටවු මාස 6ක සිරදඩුවමක් නියම කර ඇත.
2008 අගෝස්තු මාසයේ මාපාකඩ වැව 17 කණුව
ප්‍රදේශයේ මහියංගන අප්සරා හෝටලයේදී හෝටලයේ අයිති කරු රංජිත් සංජය කුමාර විසින්
හෝටලය පරික්ෂා කිරිමට ගිය මහජන සෞඛ පරික්ෂක ප්‍රදිප් විජය සෝම මහතාව බලහත්කාරයෙන්
රදවා තබාගෙන බැන තර්ජනය කර රාජකාරියට බාදා
කිරිම හා පරිබෝජනයට නුසුදුදු හෝටලයේ ශිතකරණයේ තිබු පරාටා කිලේ5.5ක් හා කල් ඉකුත්
වු බිස්කට් පැකට් 45ක් බලහත් කාරයෙන් ඉවත් කිරිමට විරුද්දව අංක 61129 නඩු අංකය
යටතේ 2008 සැප්තැම්බර් මාසයේ මහියංගන මහජන සෞඛ වෛද්‍ය නිළධාරි කාර්යාලයේ නිළධාරින්
විසින් මහියංගන මහේස්ත්‍රාත් අධිකරණයේ නඩු පවරා ඇත.
වසර 5කට අධික දීර්ඝ කාලයක් තිස්සේ
විභාගයට ගැනුන මෙම නඩුව 2013-12-19 වන දින මහියංගන මහේස්ත්‍රාත් ගීතානි විජේසිංහ
මෙනෙවියි විසින් නඩු තීන්දුව ලබාදුන් අතර විත්ති කරුට රුපියල් 10000ක දඩයක් හා වසර
පහකට අත්හිටවු මාස 6ක සිරදඩුවමක් නියම කෙරිනි.
පැමිණිල්ල වෙනුවෙන් නඩුව මෙහෙය වීම
ගිරාදුරුකෝට්ටේ පරිපාලණ මහජන සෞඛ පරික්ෂක ජේ.ඒ. සමරජිව මහතා විසින් සිදු කරන ලදී.
No comments:
Post a Comment