මහියන්ගන නගර මධ්‍යෙයයේ පිහිටි සමාධි බුද්ධ ප්‍රතිමා වහන්සේ ඉදිරිපිට ඉදිකරන ලද නිර්මාණාත්මක ඔරලෝසු කණුව ඌව පලාත් ප්‍රධාන අමාත්‍ය ශෂින්ද්‍ර රාජපක්ෂ මහතා ගේ සුරතින් 01 දින සවස විවෘත කෙරිණ
ඌව පළාත් සභාවේ කෘෂිකර්ම හා සංචාරක පරිසර අමාත්‍ය අනුර විදානගමගේ මහතාගේ මහතා හා බදුල්ල දිස්ත්‍රික් පාර්ලිමේන්තු මන්ත්‍රි තේනුක විදානගමගේ මහතා උපදෙස් පරිදි ඉදිකල මෙම ඔරලෝසු කණුවෙන් සොරබොර වැවේ ජීවත් වන කොක්කු තිදෙනෙක් විසින් නෙලුම් මලක් ඔසවාගෙන විත් සමාධි බුද්ධ ප්‍රතිමා වහන්සේ හට පුදදෙන අයුරු නිර්මාණාත්මකව නිර්මාණය කර තිබෙන අතර එහි අලංකාර දිය දහරක් නිරන්තරයෙන් වැස්සෙන්නට සලස්සවා මහියංගන නගර මධ්‍යට අලංකාරයක් ගෙන දෙන අන්දමින් නිර්මානය කර ඇත. මේ සදහා මහියංගන නගරයේ ඇගලුම්කම්හලක් මුල්‍ය අනුග්‍රහයෙන් දායකත්වය දක්වා ඇත.
විවෘත කිරිමේ අවස්ථාව සදහා ඌව පළාත් සභාවේ කෘෂිකර්ම හා සංචාරක පරිසර අමාත්‍ය අනුර විදානගමගේ මහතා, බදුල්ල දිස්ත්‍රික් පාර්ලිමේන්තු මන්ත්‍රි තේනුක විදානගමගේ මහතා, දඹාන ආදිවාසි නායක ඌරු වරිගයේ වන්නිලා ඇත්තන් හා මහා සංඝරත්නය හා අති විශාල පිරිසක් සහභාගි වු අතර විශේෂ මල්වෙඩි ප්‍රදර්ශනයක්ද අවසානයේ පැවැත් විය.
No comments:
Post a Comment