නාදුනන පිරිමි මළසිරුරක්

4/15/2016 1:28 PM

හදුනාගැනිමට අපහසු මට්ටමට නරක් වු පිරිමි මළසිරුරක් අද (15) උදැසන මහියංගන බුද්ධගයා අනුරුව ආසන්නයේ තිබියදි හමු බව මහියංගන පොලිසිය පවසති.
මහියංගන ප්‍රාෙද්ශිය ලේකම් කාර්යාලය ආසන්නයේ ඉදිවන නව ඌව පළාත්සභා සංචාරක අමාත්‍යාංශයට අයත් ගොඩනැගිල්ල ආසන්නයේ තිබි මෙම මල සිරුර සොයාගත් බව පොලිසිය පවසයි. දැඩි දුර්ඝන්දය හේතුවෙන් ඒ ආසන්නයේ සේවය නියුතු පුද්ගලයෙකු විසින් මම මළසිරුර ප්‍රථම වරට සොයාගෙන ඇත.
අධිකරණ වෛද්‍ය පරික්ෂණ, මරණ පරික්ෂණ, ස්ථානිය පොලිස් පරික්ෂණ සිදු කිරිමට නියමිත බව මහියංගන පොලිසියේ ස්ථානාධිපති තිස්ස කුමාර මහතා ප්‍රකාශ කර සිටි. මියගිය පුද්ගලයා හා ඊට හේතුව මේවන තුරු අනාවරණව වී නොමැත. පොලිස් පරික්ෂණ ක්‍රියාත්මකයි.

අලුත් අවුරුද්ද සමරනවා සේම ජීවිත ද අලුත් කරගත යුතුයි

11:36 PM 4/13/2016

සිංහල සහ දෙමළ අලුත් අවුරුද්ද වෙනුවෙන් ආදිවාසී නායක ඌරුවරිගේ වන්නිලඇත්තන් ද පණිවුඩයක් නිකුත් කර තිබෙනවා.ඔහු පවසන්නේ සියලු මිනිසුන්ට මෙන්ම වනයේ වෙසෙන සතා සිව්පාවුන්ට සහ ගහ කොළවලට ද සුභ අලුත් අවුරුද්දක් ප‍්‍රාර්ථනා කරන බවයි. රටට දේවාශිර්වාදය ලැබේවායි ද ප‍්‍රාර්ථනා කරන බව ඔහු කියා සිටියා. අලුත් අවුරුද්දක් උදාවද්දී විවිධාකාරයෙන් එය සමරනවා සේම ජීවිත ද අලුත් කරගත යුතු බවයි ආදිවාසී නායකයා කියා සිටියේ. අලුත් අවුරුද්දේද පැරණි වැරදිම සිදුකරන්නේ නම් සැමරුම්වලින් පළක් නොවන බව මෙහිදී ප‍්‍රකාශ කෙරුණා.අලුත් අවුරුද්ද සැමරීමේදී මව්පියන්ට සහ වැඩිහිටියන්ට මෙන්ම භික්ෂූන්වහන්සේට ගරු සත්කාර කිරීම වැනි යහපත් පුරුදුවලට ප‍්‍රමුඛතාව ලබාදිය යුතු බවද මෙහිදී ප‍්‍රකාශ කෙරුණා.
පවුලම එකතු වී සිය නිවසේදී අලුත් අවුරුදු සැමරීම වඩා ඵලදායී බවයි ආදී වාසී නායක ඌරුවරිගේ වන්නිලඇත්තන් වැඩිදුරටත් පැවසුවේ. සිංහල සහ දෙමළ අලුත් අවුරුද්ද සැමරීමේදී මත්පැනින් සහ ගැටුම් ඇතිකර ගැනීමෙන් වළකින ලෙස ද ආදිවාසී නායකයා සියලුදෙනාගෙන් ඉල්ලීමක් කළා.

මහියංගනයට වසන්තය ඇවිත්

 9:36 PM 4/8/2016

බක් මාසයේ අවුරුදු සිරියෙන් මුළු රටම වෙලී යද්දී මහියංගනයටත් එය එලෙසම දැනෙන්නට පටන් ගෙන. ඒ වගේම පෙනෙන්නටත් දැන් දැන් පටන් ගෙන.

මහියංගන නගරය පුරා 98 වර්ශයේ ගම්උදාව සදහා සිටු වන ලද මැයි මාර ගස් Yellow Acacia (Robinia pseudoacacia) වල මේ දින වල ගස් වසා, 
නගරය පුරා මල් පිපි මහියංගන පුරවරයට ගෙන දෙන්නේ මහත් අලංකාරයක්. නගරයේ පුරා ස්ථාන රැසක කහ සේලයක් බිම අතුරා ඇත්තා සේ ගෙන එන්නේ නෙතට රසදුනකි.

කොලු රංචුවක් දැරියක් දුෂණය කරයි

10:29 PM 4/8/2016
නිවසින් බැහැරව ගිය තම දියනිය නිවසට නොපැමිනියේයැයි පියෙකු විසින් හසලක පොලිසියේ සිදු කල පැමිනිල්ලකට අනුව ක්‍රියාත්මක වු මහිංයගන පොලිස් නිළධාරින් දම්බරාව ප්‍ර දේශයේදි තරුණයින් 5 දෙනෙකු ඊයේ (07) සවස අත්අඩංගුවට ගත්තේය. දෙදෙනෙකු පැන ගොස් ඇත.අත් අඩංගුවට ගත් තරුණයන් 5 දෙනා මහියංගන මහේස්ත්‍රාත් අධිකරණයට ඉදිරිපත් කිරිමෙන් පසු  මහියංගන මහේස්ත්‍රාත් අධිකරණයේ මහේස්ත්‍රාත් තිෂානි තේනබදු මහත්මිය විසින් ලබන 20 දින දක්වා රක්ෂිත බන්දනාගාර ගත කරන ලෙස නියෝග කරනු ලැබීය.14 හැවිරිදි දැරිය පරික්ෂණ සදහා රෝහල් ගත කරනු ලැබීය.

මහියංගන සහකාර පොලිස් අධිකාරි උජිත් ලියනගේ මහතගේ උපදෙස් මත මහියංගන පොලිස්ථානාධිපති තිස්ස කුමාර  මහතා හා නොවිසිදුන අපරාධ අංශයේ ස්ථානාධිපති හා නඩු මෙහෙයුම් එම් බි ජි ජි සුදේශ් චතුරංග මහතා යන නිලධිරිහු පරික්ෂණ පවත්වති.

නගරයේ මැලිබන් ඇගලුම් කම්හලේ අප ජලයෙන් ගම්වසීන්ට පීඩා - සති දෙකක් ඇතුලත ගම්මුන්ගේ පීඩාවන්ට විසදුම් දෙන්න අධිකරණයෙන් නියෝග

4/6/2016 8:53 PM

මහියංගන නගරයේ මැලිබන් ඇගලුම් කම්හලේ අප ජල පිරිපහදු ඒකකය මගින් පරිසරය වෙත මුදා හරින අප ජලය හේතුවෙන් මහත් පීඩාවට පත්ව ඇති බවට ගම්වාසීන් විසින් සිදු කරනු ලැබු පැමිනිල්ලකට අනුව මහියංගන මහජන සෞඛ්‍ය පරික්ෂක මහතුන් විසින් ලබාගත් ජල සාම්පල අධිකරණය වෙත ඉදිරිපත් කිරිමෙන් පසු මහියංගන මහේස්ත්‍රාත් අධිකරණයේ මහේස්ත්‍රාත් තිෂානි තේනබදු මහත්මිය එම ජල සාම්පල අධිකරණය මගින් රජයේ රස පරික්ෂක වෙත යවා වාර්ථාවක් ලබා ගන්නා ලෙසත්, සති 2ක් ඇතුලත අපවහන කාණු පද්දතිය පිරි සිදු කිරිමටත්, පරිසරයට මුදා හැරිමට සුදුසු තත්වයේ ගුණාත්මක ජලය මුදා හැරිම සදහා ඇගලුම් ආයතනයේ යන්ත්‍ර සුත්‍ර පිළිසකර කරගෙන අධිකරණය වෙත දැනුම් දෙන ලෙස 05 දින නියොග කරනු ලැබීය. අනතුරුව අප ජල පිරිපහදු ඒකකයේ ප්‍රධානී රුපියල් ලක්ෂයක ඇප මත මුදා හරිනු ලැබීය. මීලග නඩු වාරය 19 දිනට කැදවනු ලැබේ.
මහියංගන සොරබොර හා වගාව කොටසෙහි ගම්වාසීන් ඇගලුම් කම්හලේ අපවහන කානු පද්දතියේ අපවිත්‍ර ජලය හේතුවෙන් පීඩාවට පත්ව සිටින බවත් ප්‍ර දේශයම මහත් දුර්ඝන්දයෙන් වැසී ගොස් පරිසරය දුෂණය වී ඇති බවට ගම්වාසීන් පසුගිය දා මහියංගන මහජන සෞඛ්‍ය පරික්ෂක මහතුන් වෙත පැමිණිලි කලේය. ඒ අනුව මහජන සෞඛ්‍ය පරික්ෂක මහතුන් ඇගලුම් කම්හලේ අපවහන ජල පිරිපහදුව පරික්ෂාවට ලක්කල අතර පරිසරය වෙත මුදා හරින අපවහන ජල සාම්පල් ලබාගන්නා ලදී. ඒ සමගම මහවැලි ගග දක්වා මෙම අප වහන ජලය ගෙන යන කානු පද්දතියද පරික්ෂා කිරිමට ලක්කර ලදී.
මහවැලි ගග වෙත මුදාහරින අපවිත්‍ර ජලය හේතුවෙන් මහවැලි ගග පරිහරණය කරන්නන් හට විශාල සෞඛ්‍ය ගැටලු රැසක්ද උද්ගත වී ඇති බවත් වැලි ගොඩ දැමීමෙන් ජිවිකාව ගෙන යන ගම්වාසීන් රැසක් චර්ම රෝග වලට ගොදුරුවී ඇති බවට චෝදන කරති.

මහියංගන සෞඛ්‍ය වෛද්‍ය නිධළාරි කාර්යාලයේ වෛද්‍ය චමිල ලොකුගීගන මහතාගේ උපදෙස්මත මහජන සෞඛ්‍ය පරික්ෂක සී බී රත්නායක, අමිල අබේසේකර, සිලන්ක එදිරිසිංහ ඇතුලු මහජන සෞඛ්‍ය පරික්ෂක කන්ඩායමක් විසින් මෙම පරික්ෂා කර බැලිම් සිදු කරන ලදී.

අනියම් පෙමට ලොල් වුණු අක්කාගේ දොල සිදවන්න මල්ලී නිදියහනේදීම ජීවිත දෙකක් එලොව යැව් හැටි වමාරයි

4/5/2016 11:35 PM

මහියංගන අරාවත්ත තරුණ ව්‍යාපාරය ප්‍ර දේශයේ මවක හා කුඩා දියනියක නිදි යහනේදීම ඝාතනය කල සැක කරුවෙකු මහියංගන පොලිසිය විසින් සිදු කල විමර්ෂණ වලින් වසර එකහමාරකට පසුව ඒකල ප්‍ර දේශයේ සැගව සිටිමින් පොලිසියෙන් කට්ටි පනිමින් සිට පෑලියගොඩ පොලිසියේ සහයෙන් අත් අඩංගුවට ගැනිමෙන් පසු මහියංගන මහේස්ත්‍රාත් අධිකරණයට ඉදිරිපත් කිරිමෙන් අනතුරුව මහියංගන මහේස්ත්‍රාත් අධිකරණයේ මහේස්ත්‍රාත් තිෂානි තේනබදු මහත්මිය විසින් පැය 48ක් ප්‍රශ්න කිරිම සදහා රදවා ගැනීමටත් ඉන් අනතුරුව 19 වන දින දක්වා රක්ෂිත බන්දනාගාර ගත කරන ලෙසත් නියෝග කලේය.

මෙසේ අත් අඩංගුවට ගනු ලැබුවේ විජේසුන්දර මුදියන්සේලාගේ තිලක් සංජීව විජේසුන්දර නොහොත් සංජීව නැමැති වයස 26ක විවාහක එක් දරු පියෙකි. ඔහු  නවවන විජය බා බලකායේ පුහුනුව ලබා වව්නියාව විජය බා  බලකායේ 57වන බලකායට අනුයුක්තව වව්නියාව නව වන විජයබා කදවුරේ සෙබල අංක 520089 යටතේ රාජ කාරියේ නියුතුව සිටි අයෙකි. 2009 වර්ෂයේ ක්ලේමෝ බෝම්බ කැබැල්ලක් වැදි තුවාල ලැබු අයෙකි.

මහියංගන අරාවත්ත ප්‍ර දේශයේ මවක් සහ වයස අවුරුදු 06ක කුඩා දියනියක් නිදියහනේදිම 2014-12-18 රාත්‍රියේදි ඝාතනය කරනු ලැබිය. එදින රාත්‍රිෙය් නිවසේ නොසිටිම හේතුවෙන් වැඩිමහල්  දියණියකගේ (වයස 08) දිවි බේරුනේය. වසර දෙකකට ආසන්න කාලයක් මෙම මිනිමැරුමේ අභිරහස සැගව තිබියදී මිනිමැරුම සිදුකල පාපතරයා පොලිසියේ උකුසු ඇස්වලින් බේරි සිටිමට සමත් විය. අපරාධයක් සිදුකර කිසිවෙකුහට සැගව සිටිමට කිසිදාක නොහැකිය යන්න සනාත කරමින් මෙම ද්විත්ව ඝාතනය සිදු කල පාපතර මිනි මරුවා පසුගිය 2016-04-02 දින පොලිස් අත් අඩංගුවට පත් විය. ඒ මහියංගන පොලිසියේ දැනුම් දීමකට අනුව පෑලියගොඩ පොලිසිය විසින් සැකකරුගේ බිරිදගේ නිවසේ (ඒකල ප්‍ර දේශයේ) සිටියදී අත් අඩංගුවට ගනු ලැබීය.

එදා මෙලෙස ඝාතනය කරනු ලැබුවේ 205/2, තරුණ ව්‍යාපාරය, මහියංගනය යන ලිපිනයේ පදිංචිව සිටි බටගල්ලේ ගෙදර චන්ද්‍රා කුමාරි නම් වන වයස 31ක තරුණ මවක් හා කේ ජි හිමාශා කාවින්දි නම් වන වයස අවුරුදු 06ක කුඩා දියනියකි. නිදියහනේ නිදා සිටියදි මෙම ඝාතනය සිදු කර ඇති අතර තියුණු කැපුම් ආයුදයකින් ගෙල ප්‍ර දේශයට එල්ල කරනලද ප්‍රහාරයන් මගින් මෙම ඝාතනය සිදු කර ඇත. ඝාතනය සිදු කරන විට මෙම දෙදෙනා පමණක් නිවසේ සිට ඇති අතර වැඩිමහල් දියනිය සිය මිත්තනියගේ නිවසට සන්ධ්‍යාවේ ගොස් නැවත නොපැමිණිම හේතුවෙන් ඇයගේ දිවි බේරුනි. මෙසේ දිවි බේරාගෙන ඇත්තේ කේ ජි බුද්ධිකා ප්‍රියදර්ශනි නම් වයස 08ක දැරියකි.

මරණ කාරියගේ (චන්ද්‍රා කුමාරි) මස්සිනා මෙම මිනිමැරුම පොලිසිය වෙත19 දින උදැසන දැනුම් දී ඇති අතර “ දෝනි තාම දොර ඇරලා නෑ... මොකද දන්නේ නෑ“ කියා එම නිවසට ගොස් විසමිලිමත් ව ඇත. නිවසේ කිසිවකු ගේ ප්‍රතිචාරයන් නොමැති කමින් තවමත් නිවසියන් නිදියමින් සිටින්නේ කුමකටද යන්න පිළිබද සොයාබැලිමේදි ඔහුන් නිදියහනේදිම ඝාතනය කර ඇති බව දැක මහියංගන පොලිස් ස්ථානය වෙත සිද්ධිය සම්බන්දයෙන් දැනුවත් කර ඇති අතර ඉන්පසුව මෙම මිනිමරුම සම්බන්දයෙන් පොලිස් පරික්ෂණ  ආරම්භ කෙරිනි. මහියංගන සහකාර පොලිස් අධිකාරි උජිත් ලියනගේ මහතා ප්‍රමුඛ මහියංගන පොලිස් නිළධාරින් හා අපරාධ අංශයේ ස්ථානාධිපති එස් චතුරංග මහතා ප්‍රමුඛ නිළධාරින් මෙම ද්විත්ව ඝාතනය සම්බන්දයෙන් පරික්ෂණ කටයුතු ආරම්භ කලහ. මහියංගන හිටපු මහේස්ත්‍රාත් ගීතානි විජේසිංහ මෙනෙවිය විසින් මහේස්ත්‍රාත් පරික්ෂය සිදු කිරිමෙන් පසුව පශ්චාත් මරණ පරික්ෂණ සදහා දේහයන් දෙක බදුල්ල රෝහල වෙත යවන ලදී.

මිනිමැරුම සිදු වු රාත්‍රිෙය් වර්ෂාව අධිකව පැවතුන රාත්‍රියක් වු අතර මිනි මරුවා කිසිදු සාක්ෂියක් නොතබා ඉතා සුක්ෂම ලෙස මෙම මිනිමරුම් ද්විත්වයම සිදු කර ඇති අතර එම හේතුවෙන් මිනි මරුවා සොයාගැනිම පොලිසියට දැඩි අසිරු විය.

පොලිස් පරික්ෂණ ක්‍රියාත්මක විය. සැක කරුවන් කිහිප දෙනෙතුගෙන්ම ප්‍රශ්න කෙරිනි. හෝඩුවාවක් සොයා ගැනීම අපහසු විය. බදුල්ලේ සිට සිරුරු දෙක දින දෙකකට පසු නිවසට ගෙන එනු ලැබුවේ පස්චාත් මරණ පරික්ෂණයෙන් පසුවයි. මළගෙදරට සිවිල් ඇදුමින් සැරසුනු පොලිස් නිළධාරින් පිරිසක් යෙදවුයේ මෙම අභිරහස් මරණය සම්බන්දයෙන් කිසියම් හෝ හෝඩුවාවක් සොයැගැණීමේ අරමුණ ඇතුවයි. ඒ අනුව අපරාධ අංශයේ ස්ථානාධිපති චතුරංග මහතා වරින් වර එම ස්ථානයට ගොස් සැක කටයුතු පුද්ගලයන් පිළිබදව සොයා බැලු වේය. ප්‍රශ්න කලේය. “ මේ මළගෙදරම මිනිමරුවා ඇති“ යැයි පොලිසියට සැක සිතුනේය.. එහෙත් එය සොයා ගැනිමට කිසිදු සලකුණක් පාදා ගැනිමට තොරතුරු ලැබුනේ නැත.

ඝාතනයට ලක්වු කාන්තාවගේ  සැමියා ඔහුන්ගේ නිවස අසල කාන්තාවක් සමග අනියම් ප්‍රේම සම්බන්දතාවයක් පවත්වා ඇති අතර මෙම අනියම් ඇසුරට පාර්ශව දෙකෙන්ම විරෝධතාවයන් එකල එල්ල වී තිබුනා. ඒ සම්බන්දයෙන් පොලිසියට තොරතුරු රැසක් විවිධ ප්‍රශ්න කිරිම් හමුවේ අනාවරණය කර ගැනිමට හැකි විය. මරණ කාරියගේ සැමියා ඔහුන්ගේ අභිරුචිය පරිදි අනියම් ඇසුර පවත්වාගෙන ගොස් ඇති අතර සැමියා කොළඹ ප්‍ර දේශයේ රැකියාවේ නිරතව සිට ඇත. අනියම් කාන්තාවද කොළඹ ප්‍ර දේශයේ රැකියාවක් සදහා ගෙන්වා ගනිමින් ඔහුන් එකට ජිවත්ව සිට ඇත. ඒ සම්බන්දයෙන් විවිධ අවස්ථාවලදී ගම්මානයේ එම පවුල් දෙක අතර රංඩු සරුවල් අති වු බවත්, මෙම අනියම් ඇසුරට ගම්මානය පුරා කැලෑ පත්තර වැදුනු බව පොලිසියට ගම්වාසින් තොරතුරු ලබාදුන්නේය. පොලිසිය තොරතුරු රැසක් ඒ අනුව ලැබුනේය. සැක සිතුනේය.

මරණ කාරියගේ සැමියාගේ අනියම් කාන්තාවගේ සහෝදයා (සංජීව ) යුදහමුදාවෙන් පැන ආ පුද්ගලකි. ඔහු මළ ගෙදරදී පොලිසිය වෙත අසාමාණ්‍ය ලෙස උදව් උපකාර කල නිසා ඔහු පිළිබද කුඩා සැකයක් පොලිසිය වෙත ඇතිවිනි. එහෙත් සැකය සනාත කර ගැනීමට කිසිදු සාක්ෂියක් නොලැබුනි. මිනිමැරුම සිදුවු රාත්‍රියට පසු දින උදැසන (19 දින) යුද හමුදාවෙන් පැන සිටි සංජිව (අනියම් කාන්තාවගේ සහෝදයා) ත්‍රිරෝධ රථයකින් ඉතා වේගයෙන් 51 කණුව දෙසට ගිය බවත් ඒ යන අතර මගදී එසේ වේගයෙන් පැමිණි ත්‍රිරෝධ රථයට අත දැමු ගමේ ආරාමයේ මෙහෙනින් වහන්සේ රැගෙන යෑම ප්‍රතික්ෂේප කල බව පොලිසියට ආරංචි විය. ඒ අනුව සැකය තවත් වැඩිවිය.

මිණීමැරුම සිදු වී දින කිහිපයකට පසු සංජිවගේ බිරිද ප්‍ර දේශයෙන් බැහැරවී ඇයගේ ගමට (ඒකල) යෑමද පොලිසියට ආරංචි විය. ඒ සම්බන්දයෙන් අපරාධ අංශයේ ස්ථානාධිපති චතුරංග මහතා සංජිවගෙන් ප්‍රශ්න කිරිමේදි “ මගේ නෝනා ක්‍රිස්තියානි. නත්තලුත් ලග ලගම එන හින්දා ගමේ ගිහින් දැම්මා“ යැයි ප්‍රකාශ කර තිබේ.

හත් දවසේ දානය දීමටද සංජිව මහත් කැප කිරිමක් සිදු කලේය. දානය දීමෙන් අනතුරුව මරණකාරියගේ සැමියා මේ මිනිමැරුම සම්බන්දයෙන් නිමිත්තක් බැලිමට බිබිල ප්‍ර දේශයේ ‍දේවාලයක් වෙත ගොස් ඇති අතර ඒ සදහා ඔහු සංජීවගේ ත්‍රිරෝධරථයම පාවිච්චි කර ඇත.

තොරතුරු දැන ගැනීම සදහා නිරන්තරයෙන් පොලිස් නිළධාරින් මරණ කාරියගේ සැමියා සමග දුරකථනයෙන් සම්බන්ද වු අතර ඒ වන විටත් ඔහුන් සමග දුරකථන සබදතා පැවැත්වු පුද්ගලයන් සම්බන්දයෙන් දුරකථන වාර්ථා පොලිසිය විසින් ලබාගෙන අධ්‍යනය කරමින් සිට ඇත.

නිමිත්ත බලා නිවසට පැමිණිමේදි සංජිව සමග පොලිසිය වෙත පැමිනෙන ලෙස අපරාධ අංශයේ ස්ථානාධිපති වරයා මරණ කාරියගේ සැමියා හට දුරතථනයෙන් දැන් වුයේය. ඒ අනුව නිවස බලා ආපසු පැමිණිමේදි පොලිසිය වෙත මරණ කාරියගේ සැමියා පැමිණ ඇති අතර සංජිව පොලිසිය වෙත නොපැමිණ ගේට්ටුව අසල රැදි සිට ඇත. අපරාධ අංශයේ ස්ථානාධිපතිවරයා සංජිවට පොලිසියට පැමිනෙන ලෙස දැන්වීමට පාරට පැමිණි මොහොතේ සංජිවගේ ත්‍රිරෝධරථය පොලිසිය ඉදිරිපිට තිබුනේ නැත. ඒ අනුව සංජිව වෙත දුරකථනයෙන් කථා කර පොලිසිය වෙත පැමිනෙන ලෙස දැන් වු අතර “ මට හයර් එකක් සේට් උනා සර්...මම පස්සේ එනන්ම්“  කියා පොලිසිය මග ඇරියේය. ඒ හේතුවෙන් සංජිව සම්බන්දයෙන් සැකය තවත් තීව්ර වුයේ පොලිසිය මගහරින්නේ ඇයිද යන්න ප්‍රශ්නය ඉතිරි කරමිනි.

දින සති ගනන් ගෙවී ගියේය. සංජීවගේ ත්‍රිරෝධරථය මැණික්හින් ප්‍ර දේශයේ පුද්ගලයෙකු හට විකුණා ප්‍ර දේශයෙන් අතුරුදහන් වුයේ කාටත් නොකියාමය. ඒ ඔහු පසු පස පොලිසිය පන්නන බව වැටහීමක් ඇති වු  නිසා විය හැක.

වර්ෂ පුර්ණ දානය නිමාවීමත් සමග මෙම මිනිමරුවන් අල්ලන්නට පොලිසිය අසමත් වීම ගැන ගම්වාසින්ගේ කසු කුසුවක් ඇති විය. අප්‍රසාදය ඵල විය. විරෝධතාවයක්ද සංවිධානය කරන්නට ගම්මු සුදානම් කලෝය. ගම්මානයේ පොලිසියට විරුද්දව කැලෑපත්තරද ගැසුවෝය. ඒ සම්බන්දයෙන් වර්ථමාන මහියංගන පොලිස්ථානාධිපතිවරයා හට දැන ගන්නට ලැබින. මහියංගන පොලිස්ථානයේ ස්ථානාධිපති තිස්ස කුමාර මහතා ගම්මු හමුවීමට යෑමට තීරණ කල අතර ඒ සමග යෑමට අපරාධ අංශයේ ස්ථානාධිපති වරයා හට කථා කල විට චතුරංග මහතා ඒවන විට නිවාඩු ලබා  සිය නිවෙස වෙත යමින් සිට ඇත. ඇතිව ඇති තත්වය තේරුම් ගත් චතුරංග මහතා නිවසට යෑම පැතත්කට දමා උඩදුම්බර ප්‍ර දේශයෙන් බසයෙන් බැස යලි පොලිස්ථානය වෙත වාර්ථා කලේය. ගම්වාසින් හමු වීමට ගොස් ඔහුන් සමග කථා කර මිණිමරුවා කඩිනමින් අල්ලන බවට සහතික වීමත් සමග  ගම්වාසින් නිහඩ විය.

ඒ වන විට ප්‍ර දේශයෙන් ඵලා ගොස් සිටි සංජීව සම්බන්දයෙන් විමර්ශන කටයුතු දැඩි වු අතර ඔහුගේ බිරිදගේ නිවස ඒකල ප්‍ර දේශයේ ඇති බවත් එහි තොරතුරු විමර්ශනය කිරිමට අපරාධ අංශයේ ස්ථානාධිපති වරයාගේ හිතවත් පොලිස් නිළධාරියෙකු හට දැනුම් දුන්නේය. ඒ අනුව සංජිව බිරිදගේ නිවසේ සිටින බවට තොරතුරු සනාත කර ගැනීමෙන් පසු ඔහුව අත් අඩංගුවට ගැනීම සදහා පෑලිය ගොඩ දිශා  කොට්ඨාශ අපරාධ ඒකකයේ නිළධාරින්  දැනුවත් කර සැකකාර සංජීව අත් අඩංගුවට ගනු ලැබීය.

ඉන් අනතුරුව මහියංගන පොලිසිය වෙත සංජීව අධිකරණ ක්‍රියාමාර්ග සදහා බාර කිරිමෙන් අනතුරුව මහියංගන මහේස්ත්‍රාත් අධිකරනය වෙත ඉදිරිපත් කිරිමෙන් පසු පැය 48 රදාවාගෙන ප්‍රශ්න කිරිම සදහා මහේස්ත්‍රාත් තිෂානි තේනබදු මහත්මිය අවසර ලබාදුන් අතර, ප්‍රශ්න කිරිමෙන් පසු 19 වන දක්වා රක්ෂිත බන්දනාගාර ගත කරන ලෙස නියෝග කලේය.

මහියංගන පොලිස් අධිකාරි උජිත් ලියනගේ මහතා මහියංගන පොලිස්ථානාධිපති තිස්ස කුමාර  මහතා නොවිසිදුන අපරාධ හා නඩු මෙහෙයුම් අංශයේ වර්ථමාන ස්ථානාධිපති එම් බි ජි ජි සුදේශ් චතුරංග යන මහත් වරුන් විසින් සැකකාර සංජීව ගෙන් ප්‍රශ්න කිරිම ආරම්භ කලේය.

ප්‍රශ්න කිරිම් හමුවේ සංජීව මිනිමැරුම තමන් විසින් සිදු කල බව පිලිගත්තේය. මිනිමැරුම සිදු කල ආකාරය පිළිබද තොරතුරු සියල්ල හෙලි කරන්නට විය. “ මම බීලා ඉන්න කොට, මේ ගැණි ඉවරයක් කෙරුවොත් අපේ අක්කයි ගාමිණි අයියටයි සතුටින් ඉන්න පුලුවන්  කියලා මට හිතුනා...  මම ගොඩක් අපේ අක්කාට ආදරෙයි. අපේ අක්කා ඔය මම මැරුව කාන්තාවගේ සැමියා එක්ක සම්බන්දයක් පටන් ගත්තා. ඒකට අපේ ගෙවල් දෙක අතරෙ නිතරම රන්ඩු සරුවල් පටන් ගත්තා. ඔය මම මැරුව ගෑනු කෙනා දුරකථනයෙන් අපේ අක්කාට කථාකරලා බනිනවා, අපේ අම්මට බනිනවා. මට ඒවා ඉවසන්ඩ බැරුවයි හිටියේ. ඒත් මම නිතර එයාලාගේ ගවල් වලට ගියා. ආශ්‍රය කරා. චන්ද්‍රා අක්කාගේ මහත්තයත් එක්ක ( සංජිවලේ අක්කා එක්ක යාලුවෙලා හිටිය චන්ද්‍රාගේ සැමියා) මම එකට ෆාම් එකේ වැඩ කරලා තියෙනවා. චන්ද්‍රා අක්කාගේ මහත්තයයි අපේ අක්කාගේ සම්බන්දෙට මම කැමැත්තෙන් හිටියේ. මොකද එයාලා සතුටින් හිටපු හින්දා.

එදා 18 උදේ (මිනි මැරුම සිදු කල දවසේ උදේ ) මම 51 කණුවේ කොහු මෝලෙට වැඩට ගියා.  හැන්දෑවේ වැඩ ඇරිලා 5ට විතර ගෙදර එන කොට මාමා කෙනෙක් දුරකථනයෙන් කථාකරලා අද හවස සෙට් වෙමුද කියලා මගෙන් ඇහුවා. මගේ ගාව සල්ලා නෑ කියලා මම කිව්වා. පස්සේ මට මාමා සල්ලි දුන්නා බෝතයක් ගේන්ඩ. මම ත්‍රිවිල් එකෙන් ගිහින් 51 කණුවේ බාර් එකෙන් බෝතලයක් ගෙනාවා. මාමායි මායි ගෙදර යන ගමන් ත්‍රිවිල් එකේ තියාගෙනම අමුවෙන්ම බෝතලේ කඩාගෙන බිව්වා පොඩ්ඩක්. ඉන් පස්සේ අපේ අයියලාගේ ගෙදර ගිය ඉතුරු ටික බොන්ඩ. බිබි ඉන්න ගමන් අපේ අක්කාගේ සම්බන්‍ෙදට ගෙදරින් කැමති නැතුව වෙන රංඩු සරුවල් ගැන කථා උනා. ඒ සම්බන්දෙ නිසා අක්කා සතුටින් ඉන්න බව මම දන්නවා. ඒ සම්බන්දෙට මමත් කැමතියි. අර ගෑනිව මැරුවනම් අපේ අක්කා සතුටින් ඉදියි  කියලා ඒ වෙලාවෙත් මට හිතුනා. මම හොදට බීලා හිටියේ. මම චන්ද්‍රා අක්කාගේ (මරණකාරියගේ) මස්සිනාගේ ගෙදර කුලියට නරත වෙලා සිටියේ. චන්ද්‍රා අක්කා අපේ ගෙදරට මිටර් 50ක් විතර එහායින් නිවසේ හිටියේ.

අපි බිලා ඉවර වෙලා මම ත්‍රිවිල් එකෙන් ගෙදර ගියා. මම ත්‍රිවිල් එක මිදුලේ දාලා චන්ද්‍රා අක්කලාගේ ගෙදර පැත්තට ගියා. ගෙදර යනකොට වෙනදා බුරන බල්ලා බිරුවෙත් නෑ. එයාගේ මහත්තයා ගෙදර හිටියේ නෑ. එයා වැඩ කරන්නේ කොළඹ “ යැයි කියාගෙන කියා ගෙන ගියේය.

සංජීව නැවතත් “ මම කලුවරේම චන්ද්‍රා අක්කාගේ ගේ පැත්තට ගියා. කුස්සිය වෙනම එලියේ තියෙන්නේ. කුස්සියේ දොර තල්ලු කරාම ඒක ඇරුනා. මම ෆෝන් එකේ ටෝච් එක ගහලා ආයුදයක් හෙව්වා. මන්නයක් වගේ දිග පිහියක් අතට හම්බ උනා. ඒක අරගෙන ගෙට කුස්සිය පැත්තෙන් ඇතුල් වෙන්ඩ බැලුවා. උලු අස්සට උඩින් බිතිතිය සම්පුර්ණයෙන් බැදලා තිබුනේ නෑ. මම එලියේ තිබුන ප්ලාස්ටික් පුටුවක් ගෙනත් දොරලග තියලා වහාලේ පොල්ලක එල්ලිලා උලුඅස්ස උඩ සිදුරෙන් ගෙදරට ඇතුලු උනා. චන්ද්‍රා අක්කා නිදාගෙන හිටපු කාමරයට හිමිහිට එබිකම් කරලා බැලුවා. එතකොටම චන්ද්‍රා අක්කා කැස්සා.... කැහැගෙන ඇහැරුනා. නෙට් එක උස්සගෙන එලියට එන්ඩ ලෑස්ති උනා. මාව දැක්කාද දන්නේ නෑ කියලා හිතලා පැනපු ගමන් මන්නෙන් බෙල්ල පැත්තට කෙටුවා. චන්ද්‍රා අක්කා කෑ... ගැහුවා. නෙට් එක ඇතුලට අත දාල මම චන්ද්‍රා අක්කාගේ කට වහන ගමන් තවත් පාරවල් 2-3ක් කොටාගෙන කොටා ගෙන ගියා. එත කොටම පොඩි දුව ඇහැරිලා අම්මී ... අම්මී කියලා කෑ.. ගැහුවා. මාව අදුර ගනියි කියලා හිතලා දරුවාටත් කෙටුවා ඉන් පස්සේ.  බයටයි ආවේගෙටයි කොටාගෙන කොටාගෙන ගියා. කුස්සිය පැත්තේ දොරේ සොයිබෙ ඇර ගෙන මම එලියට ගියා. ඇග පුරාම ලේ ගෑවිලා. මම යන්ඩ හදනකොට මතක් උනා බිත්තිය උඩින් පනින්ඩ ගත්ත ප්ලාස්ටික් පුටුව තිබ්බා තැනින් තියන්ඩ ඕන කියාලා. ඒක තිබ්බ තැනිනි තියලා කොන්ක්‍රිට් පාර පැනලා වැව පැත්තට දිව්වා. කුඹුරු යාය දිගේ වැව පැත්තට ගිහින් කරවටක්  ගැඹුරට වැවේ බැහැලා  ඇදුම්වල ගෑවිලා තිබුන ලේ හෝද ගත්තා.  වැවේ ගඩොල් කපන මඩ වලක පිහිය හැංගුවා. ගෙදර ගිහින් රෙදි ටික වැලේ වනලා බිරිදට කතා කරා. මම එයාට කිව්වා චන්ද්‍රා අක්කා මැරුවා කියලා. බිරිද ඒක පිලි ගත්තේම නෑ. මම නිදා ගත්තා. මට නින්ද යන්නේම නෑ. එතකොට රෑ 1.30ට විතර ඇති.  චන්ද්‍රා අක්කා  කෑගහපු හැටි දගලපු හැටි පේන්ඩ ගත්තා. උදේ පාන්දර  බස් එක පාරට යන සද්දෙට මම ඇහිරිලා වැඩට යන්ඩ ලැස්ති උනා. 6.30 ට විතර මම ත්‍රිවිල් එකෙන් වැඩට ගියා. යන කොට ආරාමයේ මෙහෙනින්වහන්සේ ත්‍රිවිල් එකට අත දාලා 51 කණුවට එක්ක යන්ඩ කිව්වා. මම මේ ලගට වන්නේ කියලා මෑනියෝ නග්ග ගත්තේ නෑ. කොහුමෝලේ අක්කා පුදුම වෙලා ඇහුවා අද මොකද උදේම වැඩට ආවේ කියලා. ෆෝන් එකේ බැට්රි බැහැලා තිබුනේ. එහෙම ඉන්නකොට ගෙදර නෝනා මට කථා කරා .. මොකද මනුස්සයෝ මේ වගේ තිරිසන් වැඩක් කරේ අපි ගැන හිතුවද කියලා බැනගෙන බැනගෙන ගියා හොදටෝම. එතකොට ගමටම මිනිමැරුම ගැන ආන්චිවෙලා තිබ්බෙ. ෆෝන් එක ඕෆ් උනා. කොහු මෝලේම ෆෝන් එක චාර්ජ් වෙන්ඩ ගහලා තියෙද්දී ගමේ අයියා කෙනෙක් මට කොල් කරා ගමේ මෙන්න මෙහෙම මිනි මැරුමක් වෙලා තියෙනවා ගිහින් බලන්ඩ කියලා. මම කොහු මෝලේ අක්කාටත් සිද්දිය කියලා ගෙදර ගියා. ඒ යන කොට චන්ද්‍රා අක්කාලාගේ ගේ ගාව මුලු ගමම එකතුවෙලා හිටියා. පොලිසියෙන් ඇවිත් ගේ වට කරලා පටි වගයක් ගහලා තිබුනා. ඔන්න එතකොට පොලිසියෙන් පොලිස් බල්ලා ගෙනාවා. මට බය හිතුනා පොලිස් බල්ලාට මාව කොටු වෙයි කියලා. මම හිමිහිට ෆෝන් එක කනේ ගහගෙන අම්මලාගේ ගෙවල් පැත්තට ගියා. පොලිසිය ගියාට පස්සේ තමයි මම ආපහු චන්ද්‍රා අක්කා ගේ පැත්තට ගියේ. පස්සේ මම එතෙන්ඩ බුලත් පුවක් එහෙම ගෙනත් දුන්නා මිනිස්සුන්ඩ කන්ඩ.

මල ගෙදර ඉවර වෙන කොටම මගේ බිරිද තරහා වෙලා එයාගේ ගෙදරට ගියා. ගමේ මිනිස්සු ඇහුවා කෝ කියලා .මම කිව්වා නත්ල් ලග හින්දා ගමේ ගියා කියලා.

හත් දවසේ දානේ දුන්නායින් පස්සේ පොලිසියේ චතුරංග මහත්තයා මට නිතර නිතර පොලිසියට එන්ඩ කියලා කෝල් කරන්ඩ ගත්තා.  මම ගොඩක් බය හිතුනා වැඩේ අහුවෙලා තමයි කථා කරන්නේ කියලා. එකයි ත්‍රිවිල් එකත් විකුණලා ඉක්මනට ගමෙන් ගියේ. මම බිරිදගේ නිවසේ ඉන්න ගමන් එහේ කොහු මෝලක වැඩට ගියා. බයෙන් බයෙන් තමයි හිටියේ කවදා හෝ පොලිසියෙන් හොයාගෙන එයි කියලා.  අපේ අක්කත් ඒ කාලෙම රට ගියා. එහෙම ඉන්න කොට අපේ අම්මා අපි හිටපු දිහාවේ අපු වෙලාවක චන්ද්‍රා අක්කාලා මැරුවේ මම කියලා මගේ බිරිද කියලා. අම්මා ඊට පස්සේ මගෙන් ඇහුවා ඇත්තද කියාල. මම අම්මාට ඇත්ත කිව්වා. එහෙම ටික කාලයක් ඉන්නකොට තමයි පොලිසියෙන් ඇවිත් මාම අල්ල ගත්තේ“  කියා මිනිමැරුම සිදු කල ආකාරය සම්බන්දයෙන් සංජිව පාපොච්චාරනය ඒ ආකාරයෙන් පොලිසිය හමුවේ සිදු කලේය.

 මරණ කාරිය සමග නිතර රංඩු සරුවල් කිරිම සම්බන්දයෙන් සංජිවගේ පවුලේ සැම වෙත පොලිසියේ සැකය යොමු වී තිබු අතර හමුදාවෙන් පැනසිටි අයෙක් වීමත්, පොලිසියට පැමිනෙන ලෙස දැන්වු සෑම අවස්ථාවකදීම එය මග හැර ඵලා යෑමත්, පදිංචිය වෙනස් කිරිමත් හේතුවෙන් සංජිව සම්බන්දයෙන් පොලිසියේ උකුසු ඇස යොමු වී තිබු අතර මහියංගන පොලිස් නිළධාරින්ගේ දක්ෂතාවය මහත් කැප කිරිම් හේතුවෙන් අභිරහස් මිනිමරුමක් හෙලිකර ගනිමින් මිනි මරුවා නීතිය හමුවට ගෙන ඒමට හැකි විය.

ඌව පළාත් භාර ජේෂ්ඨ නියෝජ්‍ය පොලිස්පති ලලිත් ජයසිංහ, බදුල්ල දිශාභාර නියෝජ්‍ය පොලිස්පති සරත් කුමාර, බදුල්ල  කොට්ඨාශ බාර ජ්‍යෙෂ්ඨ පොලිස් අධිකාරි චන්දන ගලප්පත්ති, මහියංගන සහකාර පොලිස් අධිකාරි උජිත් ලියනගේ යන මහත්වරුන්ගේ උපදෙස් මත මහියංගන පොලිස්ථානාධිපති තිස්ස කුමාර  මහතා නොවිසිදුන අපරාධ හා නඩු මෙහෙයුම් අංශයේ ස්ථානාධිපති එම් බි ජි ජි සුදේශ් චතුරංග මහතා  යන නිලධිරිහු පරික්ෂණ පැවැත් වුහ. උ.පො.ප. අශෝක, පො.සැ. 2236 විමලසිරි, පො.කො. 38588 සම්පත්, 71610 දනුක, 28534 දියානායක, 75337 සදලාල් යන පොලිස් නිළධාරිහුද මෙම ද්විත්ව මිනිමැරුම  සම්බන්දයෙන් මිනිමරුවා අල්ලා ගැනීම සදහා මහත් වෙහෙසක් දැරූ නිළධාරින් වේ.

ලක්ෂ්මන්ටත් ඇමති කමක්

2:43 PM 4/6/2016
බදුල්ල දිස්ත්‍රික් පාර්ලිමේන්තු මන්ත්‍රී ලක්ෂ්මන් සෙනවිරත්න මහතා තාක්ෂණ හා පර්යේෂණ රාජ්‍ය අමාත්‍ය වරයා ලෙස ජනාධිපති මෛත්‍රීපාල සිරිසේන මහතා ඉදිරියේ අද දිවුරුම් දුන්නේය.

පසුගිය මහ මැතිවරණයේදී ලක්ෂ්මන් සෙනවිරත්න මහතා පරාජයට පත්වූවත් ජයග්‍රහනය කල චාමර සම්පත් දසනායක මහතා ඌව පළාත් සභාවේ ප්‍රධාන අමාත්‍ය වරයා ලෙස දිවුරම් දීමෙන් අනතුරුව එම පුරප්පාඩුව සදහා මනාප ලැයිස්තුවේ ඊ ලගට සිටි සෙනෙවිරත්න මහතා පාර්ලිමේන්තුවට තේරී පත්විය.

මේ වන විට බදුල්ල දිස්ත්‍රික්කය නියෝජනය කිරීම සදහා යහ පාලන ආණ්ඩුවේ කැබිනට් ඇමතිවරු දෙදෙනෙක් හා රාජ්‍ය අමාත්‍ය වරු තිදෙනෙකුද සිටිති.

රිදිමාලියද්ද - කුරුවිතැන්න සමාජසත්කාර FaceBook අවුරුදු කුමරිය - වැඩිහිටි

රිදිමාලියද්ද - කුරුවිතැන්න සමාජසත්කාර FaceBook අවුරුදු කුමරිය - වැඩිහිටි (තෙවන ස්ථානය)

වැඩිහිටි අවුරුදු කුමරියන් වෙනුවෙන් අපි ලබාදුන් ත්‍යාගය කිලෝ 20ක් පමණ බරයි. එහි හාල් කිලෝ 10ක්, සීනි, පිටි, පරිප්පු, කිරිපිටි සහ තවත් වියළි ආහාර ද්‍රව්‍ය රාශියක් අඩංගු වෙනවා. මේ ඔබ දකින්නේ ඊයේ සවස 6.30ට පමණ අවුරුදු උත්සවය අවසන් වූ පසු එක් ආච්චි කෙනෙක් ඇයට ලැබුණු තෑග්ග රැගෙන යන ආකාරය දිනේෂ්ගේ ජංගම දුරකතනයේ කැමරා කාචයට හසුවූ ආකාරයයි...

සමාජසත්කාර.lk ෆේස්බුක් බක්මහ උළෙල 2016 - රිදිමාලියද්ද - කුරුවිතැන්න

මව සහ දියනිය නිදියහනේ ඝාතනය මිනි මරුවා පොලිසියට කොටුවෙයි - වසර දෙකකට පසු අභිරහස හෙලිවෙයි

 2016-04-04 ප.ව. 9:39

මහියංගන අරාවත්ත ප්‍ර දේශයේ මවක් සහ වයස අවුරුදු 06ක කුඩා දියනියක් නිදියහනේදිම 2014-12-18 රාත්‍රියේදි ඝාතනය කරනු ලැබුවා. එදින රාත්‍රිෙය් නිවසේ නොසිටිම හේතුවෙන් වැඩිමහල් දියණියකගේ (වයස 08) දිවි බේරුනේය. වසර දෙකකට ආසන්න කාලයක් මෙම මිනිමැරුමේ අභිරහස සැගව තිබියදී මිනිමැරුම සිදුකල පාපතරයා පොලිසියේ උකුසු ඇස්වලින් බේරි සිටිමට සමත් විය. අපරාධයක් සිදුකර කිසිවෙකුහට සැගව සිටිමට කිසිදාක නොහැකිය යන්න සනාත කරමින් මෙම ද්විත්ව ඝාතනය සිදු කල පාපතර මිනි මරුවා පසුගිය 02 වන දින මහියංගන පොලිසියේ උකුසු ඇසෙන් සැගවී සිටිමට නොහැකි විය.

එදා මෙලෙස ඝාතනය කරනු ලැබුවේ 205/2, තරුණ ව්‍යාපාරය, මහියංගනය යන ලිපිනයේ පදිංචිව සිටි බටගල්ලේ ගෙදර චන්ද්‍රා කුමාරි නම් වන වයස 31ක තරුණ මවක් හා කේ ජි හිමාශා කාවින්දි නම් වන වයස අවුරුදු 06ක කුඩා දියනියකි. නිවසේ නිදියහනේ නිදා සිටියදි මෙම ඝාතනය සිදු කර ඇති අතර තියුණු කැපුම් ආයුදයකින් ගෙල ප්‍ර දේශයට එල්ල කරනලද ප්‍රහාරයන් මගින් මෙම ඝාතනය සිදු කර ඇත. ඝාතනය සිදු කරන විට මෙම දෙදෙනා පමණක් නිවසේ සිට ඇති අතර වැඩිමහල් දියනිය සිය මිත්තනියගේ නිවසට සන්ධ්‍යාවේ ගොස් නැවත නොපැමිණිම හේතුවෙන් ඇයගේ දිවි බේරුනි. මෙසේ දිවි බේරාගෙන ඇත්තේ කේ ජි බුද්ධිකා ප්‍රියදර්ශනි නම් වයස 08ක දැරියකි.අසල් වාසි නිවසක කාන්තාවක් විසින් උදැසන මෙම නිවසට ගොස් ඇති අතර නිවසේ කිසිවකු ගේ ප්‍රතිචාරයන් නොමැති කමින් තවමත් නිවසියන් නිදියමින් සිටින්නේ කුමකටද යන්න පිළිබද සොයාබැලිමේදි ඔහුන් නිදියහනේදිම ඝාතනය කර ඇති බව දැක මහියංගන පොලිස් ස්ථානය වෙත සිද්ධිය සම්බන්දයෙන් දැනුවත් කර ඇති අතර ඉන්පසුව මෙම මිනිමරුම සම්බන්දයෙන් පොලිස් පරික්ෂණ ආරම්භ කෙරිනි.මහියංගන සහකාර පොලිස් අධිකාරි උජිත් ලියනගේ මහතා ප්‍රමුඛ මහියංගන පොලිස් නිළධාරින් හා අපරාධ අංශයේ ස්ථානාධිපති එස් චතුරංග මහතා ප්‍රමුඛ නිළධාරින් මෙම ද්විත්ව ඝාතනය සම්බන්දයෙන් පරික්ෂණ කටයුතු ආරම්භ කලහ.
මිනිමැරුම සිදු වු රාත්‍රිෙය් වර්ෂාව අධිකව පැවතුන රාත්‍රියක් වු අතර මිනි මරුවා කිසිදු සාක්ෂියක් නොතබා ඉතා සුක්ෂම ලෙස මෙම මිනිමරුම් ද්විත්වයම සිදු කර ඇති අතර එම හේතුවෙන් මිනි මරුවා සොයාගැනිම පොලිසියට දැඩි අසිරු විය. වසරක් ගෙවී ගියේය. දෙවන වසර ගෙවීමට ආසන්නව තිබියදී මහියංගන පොලිසියේ උකුසු ඇසින් බේරිමට මිනි මරුවාට නොහැකි විය.

ඝාතනයට ලක්වු කාන්තාවගේ සැමියා ඔහුන්ගේ නිවස අසල කාන්තාවක් සමග අනියම් ප්‍රේම සම්බන්දතාවයක් පවත්වා ඇති අතර මෙම අනියම් ඇසුරට පාර්ශව දෙකෙන්ම විරෝධතාවයන් එකල එල්ල වී තිබුනද ඔහුන්ගේ අභිරුචිය පරිදි ඇසුර පවත්වාගෙන ගොස් ඇති අතර සැමියා කොළඹ ප්‍ර දේශයේ රැකියාවේ නිරතව සිට ඇත. අනියම් කාන්තාවද කොළඹ ප්‍ර දේශයේ රැකියාවක් සදහා ගෙන්වා ගනිමින් ඔහුන් එකට ජිවත්ව සිට ඇත.
අනියම් කාන්තාවගේ සහෝදයා යුදහමුදාවෙන් පැන ආ පුද්ගලකි. ඔහු විසින් මෙම ද්විත්ව ඝාතනය සිදු කල බවට මහියංගන පොලිසිය විසින් සිදු කල දීර්ඝ කාලින විමර්ශණයේදි අනාවරනය කර ගත් අතර ඔහු මේ වන විට ප්‍ර දේශය හැර ගොස් ඒකල ප්‍ර දේශයේ ජිවත්ව ඇත. මහියංගන පොලිසියේ දැනුම් දිමකට අනුව පෑලියගොඩ පොලිසිය විසින් මෙහු පසුගිය දා අත් අඩංගුවට පත් විය.
ඔහුගෙන් සිදු කල ප්‍රශ්න කිරිම් හමුවේ ඔහු මෙම ඝාතන සිදු කල ආකාරය පොලිසිය හමුවේ පාපොච්චාරනය කර ඇති අතර රාත්‍රිෙය් අදාල නිවසේ කුස්සියේ සිදුරකින් ඇතුලු වී කුස්සියේ වු මන්න පිහියකින් කාන්තාව ප්‍රථමයෙන්ම ඝාතනයකර ඇති අතර ඇය සමග නිදාසිටි කුඩා දියනියද කෑගැසීම හේතුවෙන් අවදි වීම නිසා දෙවනුව ඇයද ඝාතනය සිදු කර, මහවැලි ගගට ගොස් ස්නානය කර නිවසට ඔහුගේ නිවසට පැමින තිබේ. පසුවදා පොසියට සැක නොසිතන සේ අවමංගල්‍යට උදවු උපකාර කරමින්, ධාන පිංකම් සැමටද උදව් උපකාර කල බව පාපොච්චාරනය කර ඇත.
මහියංගන සහකාර පොලිස් අධිකාරි උජිත් ලියනගේ මහතගේ උපදෙස් මත මහියංගන පොලිස්ථානාධිපති තිස්ස කුමාර මහතා අපරාධ අංශයේ ස්ථානාධිපති එම් බි ජි ජි සුදේශ් චතුරංග මහතා යන නිලධිරිහු පරික්ෂණ පවත්වති.

ෆේස්බුක් බක්මහ උළෙල 2016 ශ‍්‍රී ලංකාවේ දෙවෙනියට දුෂ්කරම ප‍්‍රාදේශීය ලේකම් කොට්ඨාශයේ දරුවන්ට අවුරුදු අරන් යන්න ඔබත් දායක වෙන්න කැමතිද?

ඌව පළාතේ බදුල්ල දිස්ත්‍රික්කයේ රිදීමාලියද්ද ප්‍රාදේශීය ලේකම් කොට්ටාශයේ තමයි කුරුවිතන්න ගම පිහිටලා තියෙන්නේ. ලංකාවේ දුෂ්කරම ප්‍රාදේශීය ලේකම් කොට්ටාශ අතරින් දෙවැනි තැන හිමි වෙන්නෙත් මේ ප්‍රාදේශීය ලේකම් කොට්ටාශයටයි. ඒ තරම් ඇති දුෂ්කර ගමක්. ඉන්නේ අන්ත අසරණ දුප්පත් මිනිස්සු.එකයි අපි මේ ගම තෝරා ගත මුලික කරුණ. අපි විවිධ ව්‍යාපෘතීන් වලට මේ ගමට ගිය වෙලාවේ ගමේ ග්‍රාම නිලධාරි තුමා හර්ෂ අපිට ගොඩාක් උදවු කළා. ඔහුගේ වැඩ පිළිවෙල දුටු අපට කැපවීමෙන් වැඩ කරන දුටු අපට මෙය සංවිධානය කිරීමේ වගකීමෙන් කොටසක් බාර දෙන්න දෙවරක් හිතන්න ඕනි උනේ නැ. ඒ තරම් ඔහු කැපවීමෙන් උනන්දුවෙන් අපට උදවු කළා.
ඒ අනුව කුරුවිතන්න ගම තොර ගත් අපි කුරුවිතැන්නට ගොස් හර්ෂ සමග කතාබහ කර අවුරුදු උත්සවේ තියන්න ඕනි මුලික සැලැස්ම ඉදිරිපත් කළා. මේ සාකච්චාවට ගමේ ආර්ථික සංවර්ධන නිලධාරි තුමිය ඇතුළු කිහිප දෙනෙක් සම්බන්ධ උනා. අපගේ සැලැස්මට අනුව වැඩ කටයුතු කර දීමට ඔවුන් හැමෝම එකගත්වය පල කලේ හරිම සතුටින්. ඔවුන් එක ඉල්ලීමක් කළා. ඒ අපි අවුරුදු උත්සවය කරන්න බලාපොරොත්තු උනේ පොඩි දරුවන් වෙනුවෙන්. ඔවුන් කල ඉල්ලීම තමයි ගමේ කිසිදා මෙවැනි අවුරුදු උත්සවයක් පවත්වා නැති නිසා සියලුම ගමේ ගම්වැසියන් වෙනුවෙන් පවත්වන්න කියලා. එම ඉල්ලීමට එකග වූ අපි ඒ අනුව අපේ වැඩසටහන යලි පිළියෙළ කළා.

අවුරුදු උත්සවේ වැඩසටහන සකස් කිරීමේදී අපි අවුරුදු චාරිත්‍ර වාරිත්‍ර ගැනත් සැලකිලිමත් වුනා. දරුවන් විශාල පිරිසක් සහභාගී වන නිසා ඔවුන්ට දැක බලා ගන්නටත් අවුරුදු සිරිය ගෙන ඒමටත් උත්සවයේ පළමු අංග ලෙස පහත අංගයන් ටික එක කළා. තවද ඒ සමගම උත්සවය ආරම්භ කිරීමට චිරාගත සම්ප්‍රධායන්ට අනුව එන මේ අංගයන් ටිකද එක කරනු ලැබුවා.

01. ආරාධිත අමුත්තන් බුලත් හුරුළු දී පිලි ගැනීම.
02. පොල්තෙල් පහන දැල්වීම.
03. පැමිණ සිටින පිරිස පංච ශීලයේ පිහිටවීම.
04. ජාතික ගිය / ඌව ගීතය ගායනා කිරීම.
05. අමුත්තන් පිළිගනිම හා අරමුණු පැහැදිලි කිරීම.
06. විශේෂයෙන් සකසන ලද ගැමි නිවසක අවුරුදු චාරිත්‍ර ඉටු කිරීම.
- ලිපගිනි මෙලවීම
- කිරි ඉතිරවීම
- නැකතට වැඩ ඇල්ලීම
- ගනුදෙනු කිරීම
- ආහාර අනුභව වැඩිහිටියන්ට බුලත් හුරුළු දී වැඳ ආශිර්වාද ලබා ගැනීම.
තරග ඉසවු ආරම්භ කිරීම

තරග ඉසව් :

01. ගම හරහා දිවීම.
02. අලියට ඇහැ තැබීම. (ළමා- අවු 5-11 ත අතර)
03. කොට්ට පොර තරගය. (අවු 12ට වැඩි )
04. අවුරුදු කුමරා / කුමරිය තේරීම
සිඟිති අවුරුදු කුමරිය (වයස අවු 12න් පහල)
සිඟිති අවුරුදු කුමරා (වයස අවු 12න් පහල)
අවුරුදු කුමරිය (වයස අවු 30ට අඩු - අවිවාහක )
අවුරුදු කුමරා (වයස අවු 30ට අඩු - අවිවාහක )
වැඩිහිටි අවුරුදු කුමරිය (වයස අවු 55ට වැඩි )
05. බැලුන් පිපිරවීම (වයස අවු 5-10)
06.බෝතලයට වළල්ල දැමීම (විවර්ත)
07. සංගීත පුටු තරගය
ළමා (වයස අවු 10ට අඩු )
තරුණ (වයස අවු 11-18 අතර)
(වයස අවු 35ට අඩු)
වැඩිහිටි (වයස අවු 36ට වැඩි)
08. කණා මුට්ටි බිඳීම (වයස අවු 15ට ඉහල)
09. පිටිගොඩේ කාසිය සෙවීම (වයස අවු 10 - 18ත් අතර කාන්තා)
10. සුප්පුවෙන් බිම බිම
ළමා - කාන්තා/ පිරිමි (වයස අවු 8-15)
11. වතුර පිරවූ බැලුන් ඇල්ලීම (යුගල)
වයස අවු 16ට අඩු / විවර්ත
12. අන්ධයාට යෝගට් කැවීම (යුගල)
වයස අවු 16ට අඩු / විවර්ත
13. පොල් ගෑමේ තරගය - ගැහැණු (වයස අවු 35 - 55)
14. පොල් අතු විවීම - ගැහැණු (වයස අවු 55ට වැඩි )
15. ග්රිස් ගහ නැගීම (විවර්ත/ පිරිමි)
16. බනිස් කෑම
පිරිමි (වයස අවු 5-8 අතර)
17. කඹ ඇදීම (ගැහැණු / පිරිමි )
18. විකට ඇඳුම් තරගය
සිඟිති (වයස අවු 8ට අඩු )
19. බාධක දිවීම
පිරිමි (වයස අවු 10 - 18)
20.බැලුම් නර්තනය (යුගල)
21. සැඟවුණු අමුත්තා සෙවීම (විවර්ත)
22. වට්ටක්ක ගෙඩියේ ඇට ගණන නිවැරදිව කීම. (විවර්ත)
23. බෝතලයට වතුර පිරවීම (යුගල - වයස අවු 15න ඉහල)
24. ජනගී ගායනය
25. ආදර්ශමත් වාක්‍ය ඉධිරිපත් කිරීම
26. කකුල් තුනෙන් දිවීම (යුගල / විවර්ත)
27. කුඩා ළමුන් සඳහා ටොෆි අහිදීමේ තරගය.

ත්‍යග සඳහා වියදම : රු.147,247
අනෙකුත් වියදම් : රු.65,000
(ප‍්‍රවාහන, සංවිධාන කටයුතු, සංග‍්‍රහ කටයුතු වැනි)
සම්පූර්න්‍ වියදම දළ වශයෙන් : රු.212,247

ඔබට දායක වෙන්න පුළුවන් මුදල කමෙන්ට් කරන්න. මේ දරුවන්ට කිසිදා නොදැක්ක ආකාරයේ අවුරුදු උත්සවයක සිරිය විඳ තෑගී ලබා දීමට සහය වන්න.

මෙහි තොරාගත් තරග ඉසව් කිහිපයක් අපේ‍්‍රල් මාසයේ උපන්දින සමරන ෆේස්බුක් මිතුරන් කිහිප දෙනෙක් වෙනුවෙන් වෙන් කිරීමට බලාපොරොත්තු වේ.

ස්ථානය :- රිදීමාලියද්ද ප්‍රාදේශීය ලේකම් කොට්ටාශයේ කුරුවිතැන්න ගම.
Date : 3rd April 2016

Getting Ready for the ෆේස්බුක් බක්මහ උළෙල 2016

 Getting Ready for the ෆේස්බුක් බක්මහ උළෙල 2016

තව පැය කිහිපයයි අපිට තියෙන්නේ. හැමෝම ගොඩක් මහන්සි වෙනවා. ඊයේ පැක් කල තෑගි ඇසිරීම සහ ඉතිරිවුණ තෑගි කිහිපයක් පැක් කිරීම අද සිදු කලා. තව පැයකින් වගේ අපි මහියංගනය රිදිමාලියද්ද කුරුවිතැන්න බලා පිටත්වෙනවා.

ෆේස්බුක් බක්මහ උලෙළ 2016