පාරපැන්න අයෙක් බේරන්න ගොස් කාර් එක ලයිට් කනුවේ වැදේ

10:43 PM 2/21/2017
උදැසන පැවති අධික ඝණ මීදුම හේතුවෙන් හා මාර්ගය හරහා හදිසියේ පාර මාරු වු පුද්ගලයෙකු හේතුවෙන් අද (21) උදැසන මහියංගණ නගර මධ්‍ය යයයේ රිය අනතුරක් සිදු වු අතර ඒ හේතුවෙන් අධි වොල්ටීයතා විදුලි රැහැන් කණුවක් හානියට පත් විය.
අනතුරට පත් රථය රජයේ ආයතනයකට අයත් වු එකකි

මල්ලිගේ පොලු පහරින් අක්කා එලොව යයි

2017-02-15 ප.ව. 8:31

කන්දකැටිය බදුලුඔය ප්‍රදේශයේ දි අද (15) උදෑසන 9.00 ට පමන සිදුවූ බව කියන පහරදීමකින් බරපතල තුවාල ලැබූ කාන්තාවක් එම ස්ථානයේදීම මියගොස් ඇතැයි පොලිසිය පවසයි. පොල්ලකින් සිදුකල පහරදිමක් හේතුවෙන් මෙලෙස මිය ගොස් ඇත්තේ කන්දකැටිය බදුලුඔය දහයේ කොටස 23 ඇල පදිංචි ආර් එම් රංජණි (34) නැමැති තුන්දරු මවකි.

සිද්ධිය සම්බන්ධයෙන් මිය ගිය කාන්තාවගේ සොයුරෙකු හා පහරදිමට යොදාගත් බවට සැලකෙන පොල්ලක් සැකපිට අත් අඩංගුවට ගෙන ඇත.

ඉඩම් ආරවුලක් සිද්ධියට හේතුවන්නට ඇතැයි පොලිසිය සැකකරයි.

සිද්ධිය වන අවස්ථාවේ මෙම කාන්තාව පමනක් නිවසේ සිට ඇති අතර අවට සිටි පිරිසක් කෑ ගසන හඩ ඇසී ඇගේ සැමියා වන ආර් එම් කරුණාරත්න යන අය එම ස්ථානයට දිව විත් තම නිවස ඉදිරිපස වැටී සිටි මෙම කාන්තාව කන්දකැටිය රෝහලට ඇතුලත් කර ඇත. එහෙත් ඒ වන විටත් එම කාන්තාව මිය ගොස් තිබිණි.

සිද්ධිය සම්බන්ධයෙන් අද (15) සවස මහේස්ත්‍රාත් පරීක්ෂණය සිදුකිරී මට

නියමිතව තිබිණී. කන්දකැටිය පොලිසිය පරීක්සණ පවත්වයි

වනජීවි නිළධාරින් අලි එලවද්දී, ගමේ තරුණයෙක් අලියා පාගලා - තරුණයා ජිවිතක්ෂයට

 2017-02-12 ප.ව. 9:00

වනජීවී නිළධාරින් විසින් ගම්වැදි වන අලි පලවා හරිද්දී මහියංගන, 16 කණුව, මැදයාය ගම්මාණයේ තරුණයෙකු වන අලියෙකු විසින් පෑගීම හේතුවෙන් අද සවස 5.30ට පමණ එම ස්ථානයේදීම මියගොස් ඇත. ගම්මානයේ අතරු මාර්ගයක සිට ප්‍රධාන මාර්ගය වෙත සිය මව සමග මිය ගිය තරුණයා පැමිණෙමින් සිටියදී අතුරු මාර්ගයේ දිව ආ තනි අලියෙකු විසින් පෑගිම හේතුවෙන් මෙම අවාසනාවන්ත මරණය සිදුව ඇත.

මෙලෙස මියගොස් ඇත්තේ මහියංගණ, 16 කණුව, මැදයාය, 169/ ඒ, නිවසේ පදිංචිව සිටි ඉසුරු සදරුවන් නම් වයස 24ක තරුණයෙකි. ඔහු දරුවන් දෙදෙනෙකු සිටිනා පවුලක වැඩි මහල් දරුවා වන අතර පියා වකුගඩු රෝගය හේතුවෙන් වසර 07 කට පමණ ඉහත දී මියගොස් ඇත. මියගිය ඉසුරු සදරුවන් “මන්ද මානසික“ නම් රෝගී තත්වයෙන් පෙලෙන්නකි.

වනජිවි නිළධාරින් විසින් කිසිදු දැනුවත් කිරිමකින් තොරව ගම්වැද සිටි වන අලි පැන්නීමට කටයුතු කිරිම හේතුවෙන් අද (12) සවස ගම්වාසී විශාල පිරිසක් පීඩාවට පත් වු බවට ඔහුන් විසින් චෝදනා කරති. වන අලි පැන්නීමේදි ශබ්ද විකාශණ මාර්ගයෙන් දැනුවත් කරන්නේනම් මෙවැනි අනතුරු සිදු නොවන බවට ගම්වාසීන් පෙන්වාදෙති.

තරුණයා ජීවත්ව සිටියදී ලබාගත් ඡායාරූප අනුග්‍රහය
 Gunawardana De Silva

ගැටලාගොල්ල අමුණ

මහියංගන ජාතික පාසලේ සිදුන් දෙපිරිසක් නැවතත් ගුටි කෙලියක - දෙදෙනෙක් රෝහලේ

9:54 PM 2/9/2017‍

මහියංගන ජාතික පාසලේ පංති දෙකක සිසුන් දෙපිරිසක් අද (09)  පාසල කාලය තුලදී ගැටුමක් ඇති කර ගැනීම හේතුවෙන් සිසුන් දෙදෙනෙකු සුලු තුවාල  ලබා මහියංගන රෝහල වෙත ප්‍රතිකාර ලබගැනීම සදහා ඇතුලත් කර ඇත.

කාලයක් තිස්සේ මෙම සිසුන් දෙපිරිස  වරින්වර ගැටෙමින් අර්බුද රැසක්  ඇති කරමින් පාසලේ කීර්ති නාමයටද කැළලක් වන ආකාරයෙන් කටයුතු සිදු කරනු ලබන අතර, ගුටුම් ඇතිවීම වැලැක්වීම සදහා පාසැල් පරිපාලනය අධිකාරය මේ වනතුරු අපොහොසත්ව ඇත.

මෙම ශිෂ්‍යයයන්ගේ ගැටුම් පාසල තුල සේම  නගරයතුලද, බස්නැවතුපලේද ඇතිවීම ඉතාමත් සෝචනීය හා අවාසනාවන්ත තත්වයකට පත්ව ඇත.

2016 පසුගිය වර්ෂයේ අවසන් වාරයේ දෙසැම්බර් නිවාඩුව ලබදෙන සතිය තුලදීද මෙම ගැටුම්  ඇති වු අතර ලංගම බස්නැවතුම් පලේද මෙම ගැටුම් ඇතිවීය.  ඊට පෙරත් මෙම ගැටුම් ඇතිවී ඇත.

හසලක ගුරුලුපොත කන්දක් නාය ගිහින් - තව කොටසක් නායයෑමේ අවදානමේ

2017-02-09 ප.ව. 8:44
හසලක, ගුරුලුපොත, කදන්හේන, බෝමලුව ගම්මානයේ ගැටලාගොල්ල අමුණ පසුගිය 06 දින නායෑමෙන් ගම්මාණයේ කුඹුරු අක්කර 100ක් පමණ ජලය නොමැති කම් හේතුවෙන් විනාශ වෙමින් පවතී. නාය යෑම සිදුවන ප්‍ර දේශය ආසන්නයේ ගම්මානයේ එක් නිවසක් පිහිටා ඇත. නායගොස් ඇති කොටසට අමතරව තවත් විශාල ප්‍ර දේශයක් භූමිය ඉරිතලා නායයෑමට ආසන්න භූලක්ෂණ පෙන්නුම් කෙරේ.

නායයාම සිදුව ඇති ප්‍ර දේශය අවට අක්කර බාගයක පමණ කොටසක භුමියේ ස්ථාන රැසක විශාල පැලුම් දැකියහැකි අතර දිනෙන් දින එම පැලුම් වැඩිවන බවයි ගම්වාසින් පවසන්නේ.

ගැටලාගොල්ල ගොවි සමිතියේ සභාපති වයි එම් අබේරත්න මහතා “ජනවාරි මාසයේ සිට ගැටලාගොල්ල ඔයේ අමුණ ආසන්නයේ භුමියේ ඉරිතැලීම් තිබ්බා. මේ සතියේ මුල තමයි ගැටලාගොල්ල අමුණ ආසන්නයේ කොටස් රෑ නායගියේ. ඇලේ කොටසක් කැඩිලා හින්දා කුඹුරුවලට ජලය සපයන්න විදියක් නෑ. කුඹුරු ගොඩක් මැරෙනවා වතුර නැතුව. ගම්වාසීන් හා ගොවියන් අසරණ භාවයට පත්වෙලා“ යැයි පැවසීය.

මිනිපේ ප්‍රා දේශිය ලේකම් සන්ධ්‍යා ගුණරත්න මහත්මිය “ ගියසතියේ සෙනසුරාදා සිට තමයි පොළවේ පැළිම් ගම්වාසින් දැකලා තියෙන්නේ. සදුදා රූ තමයි අමුණ නාය ගිහින් තියෙන්නේ. අපි ගිහින් ඒ ස්ථාන නිරික්ෂණය කරලා බැලුවා. අපේ දැනුම්දීම මත වාරි නිළධාරින්, පැමිණ නාය ගිය බිම් ප්‍රදේශය හා නායයෑමට ආසන්න භුමිය නිරික්ෂණය කරා. නායයෑම් සම්බන්දයෙන් ක්‍රියාකරනා රජයේ ආයතනද දැනුවත් කරලා තියෙන්නේ.“ යැයි ප්‍රා දේශිය ලේකම් තුමිය පැවසීය

හොර තේක්ක ජාවාරම

බිබිලේ ඉන්ෆ්ලුවන්සා රෝගින් ප්‍රමාණය වැඩිවෙලා

මත්කුඩු විකිණු එකම පවුලේ 05ක් පොලිස් දැලේ

69 නිදහස් දින

හොරෙන් පන්නන්න හැදු තේක්ක කොට පැටවු ලොරි දෙක් පොලිසියට මාට්ටු

 2017-02-06 ප.ව. 9:30

රිදීමාලියද්ද, අභයපුර ගම්මානයේ සිට මඩකලපුව දක්වා බලපත්‍ර රහිතව ප්‍රවාහනය කිරිමට සුදානම් කර තිබු තේක්ක කදන් 100ක් පටවු ලොරි රථ දෙකක් හා සැකකරුවන් 06 දෙනෙකු සමග පෙරේදා (04) සවස මහියංගන පොලිස් නිළධාරින් විසින් අත් අඩංගුවට ගන්නා ලදී. එක් ලොරි රථයක දැව කදන් 52ක්ද අනෙක් ලොරි රථයේ දැව කදන් 48ක් පටවා තිබුනි.

අත් අඩංගුවට ගනු ලැබු සැකකරුවන් තිදොනකු ඌරණිය ප්‍ර දේශයේද අනෙක් සැකකරුවන් බිබිල, ආදාඋල්පොත, මාපාකඩවැව යන ප්‍ර දේශයේ පදිංචිකරුවන් වේ. අත් අඩංගුවට ගනු ලැබු දැව, දැව වාර්ථා ලබාගැනීමෙන් අනතුරුව සැකරුවන් සමග මහියංගන මහේස්ත්‍රාත් අධිකරණය හමුවට ඉදිරිපත් කිරිමට නියමිතව ඇත.

මහියංගන සහකාර පොලිස් අධිකාරි උජිත් ලියනගේ මහතගේ උපදෙස් මත මහියංගන පොලිස්ථානාධිපති තිස්ස කුමාර මහතා පරික්ෂණ ක්‍රියාත්මක අතර උ.පො.ප. වික්‍රමසුරිය, පො.කො. 35505 ධම්මික,83902 චන්දන යන නිළධාරින් විසින් මෙම වැටලීම සිදු කරනු ලැබීය.

බදුල්ල දිස්ත්‍රික්කයේ සෞඛ්‍ය සේවයේ මුල් තැන දෙවන වරටත් මහියංගණයට

 2017-02-06 ප.ව. 7:53

සුවපත් භාවයෙන් විශිෂ්ඨත්වයට යන තේමාව යටතේ 2016 බදුල්ල දිස්ත්‍රිකයේ සෞඛ්‍ය සේවයට ඉටු කරනු ලැබු සේවා ඵල ඇගයීමෙන් සෞඛ්‍ය කේෂත්‍ර දෙකක ප්‍රථමස්ථානය දිනා ගැනිමට මහියංගන සෞඛ්‍ය වෛද්‍ය නිළධාරි කාර්යාලයේ නිළධාරිනියන් දෙදෙනෙකු සමත්වුහ. 2015 වර්ෂයේද බදුල්ල දිස්ත්‍රික්කයේ සෞඛ්‍ය සේවා අංශයේ ප්‍රථමස්ථානය ලබාගනිමින් අඛන්ඩව දෙවරක්ම ඔහුන් දෙදෙනා මෙවරත් දිස්ත්‍රික්කයේ ප්‍රථමස්ථානය දිනාගනිමින් මහියංගනයට කීර්තියක් එක් කර ඇත.

බදුල්ල දිස්ත්‍රික්කයේ සෞඛ්‍ය සේවය නන්වනු වස් ගම්දනව් සිසාරා දොරින් දොර වෙසෙන දනන්හට සුවපත් දිවියක් උරුම කර දිමට ඉටුකරනු ලැබු  අප්‍රමාණ සේවය අගයනු වස් බදුල්ල දිස්ත්‍රික් සෞඛ්‍ය සේවා අධ්‍යක්ෂ කාර්යාලය 2016 වර්ශය සදහා කාර්ය ඵල ඇගයිමෙන් බදුල්ල දිස්ත්‍රික්කයේ මහජන සෞඛ්‍ය හෙද සොයුරියන් අතරින්  ප්‍රථමස්ථානය ශ්‍යාමලී රත්නායක මහත්මිය හා බදුල්ල දිස්ත්‍රික්කයේ පවුල් සෞඛ්‍ය සේවා නිළධාරිනියන් අතරින් ප්‍රථමස්ථානය මහියංගන පුජානගර කොට්ඨාශයේ පවුල් සෞඛ්‍ය සේවා නිළධාරි අංජලිකා ගුණතිලක මහත්මිය පසුගියදා ඌව පළාත් සෞඛ්‍ය ලේකම් අනිල් විජේසිරි මහතාගේ සුරතින් ඇගයිමට ලක් කෙරිනි.

  මහියංගන සෞඛ්‍ය වෛද්‍ය නිළධාරි කාර්යාලයේ ප්‍රධාන වෛද්‍ය චමිල ප්‍රසාද් ලොකුගීගන මහතාගේ හා අතිරේක සෞඛ්‍ය වෛද්‍ය නිළධාරි වෛද්‍ය සිදත් රෝහන මහතා සමග ඇගයීමට ලක්වු නිළධාරිනියන් දෙදෙනා ඡායාරූපයේ වේ.

69 වන නිදහසට මහියංගන රාජ්‍ය නිළධාරින් පාරට බසී

 2/4/2017 11:20 AM

69 වන ජාතික නිදහස්දින සමාරා මහියංගන ප්‍රා දේශිය ලේකම් කොට්ඨාශයේ රාජ්‍ය නිළධාරින් සියල්ල එක්ව මහියංගන නගරය කලාප 05කට වෙන් කර පරිසරය පිරිසිදු කිරිමේ මහා ශ්‍රමදානයක් මහියංගන ප්‍රා දේශිය ලේකම් කාර්යාලයේ සංවිධානයෙන් අද (04) උදැසන පැවැත්වීය. මේ සදහා රාජ්‍ය නිළධාරින් 500කට අධික පිරිසක් සහබාගිවී සිටියේය. විශේෂයෙන් ඩෙංගු මදුරුවන් නගරයේ බෝවිය හැකි ස්ථාන ඉලක්ක කර ගනිමින් මෙම පිරිසිදු කිරිම් සිදු කරනු ලැබීය.

වැඩබලන මහියංගන ප්‍රාදේශිය ලේකම් පී එස් පී අබේවර්ධන මහතාගේ සංවිධානයෙන් සහකාර ප්‍රාෙද්ශිය ලේකම් එච් එම් රුචිනි ප්‍රතිභා හිටිහාමු මෙනවියගේ ප්‍රධානත්වයෙන් මෙම මහා ශ්‍රමධානය පැවැත්වින. ඒ සදහා මහියංගන ප්‍රා දේශිය සභාවේ සහයද, රාජ්‍ය හා රාජ්‍ය නොවන අායතනයන්ගේද නොමද සහය ලැබින.