මිනිපේ - මොරයාය ගම්මානයේ මනන්නාඔය පාලම පෙරලි වසර 5කට වැඩියි. හදන පාටක් පේනතෙක් මානයක නෑ Hiru TV News

Minipe Morayaya Mananna Oya Palama - Hiru TV News 16_11_2014

මිනිපේ - මොරයාය ගම්මානයේ මනන්නාඔය පාලම පෙරලි වසර 5කට වැඩියි. හදන පාටක් පේනතෙක් මානයක නෑ
16_11_2014

මිනිපේ ප්‍රා දේශිය ලේකම් කොට්ඨාශයේ මොරයාය ගම්මානයේ කපුවත්ත හා ගගේවත්ත මැදින් ගලාබසිනා මනනන්නාඔය හරහා ඉදිකරමින් තිබු පාලම වැඩ අවසන් කිරිමට ප්‍රථමව පෙරලි මේවන විට වසර 5කට අධික කාලයක් ගතවි ඇතත් මේවන තෙක් ඒපිළිබද සොයාබලා ජනතාවට සහනයක් සලසාදෙන්නට වගකිවයුතු දේශපාලන නායකයෙක් හා රජයේ ආයතනයක් මැදිහත් නොවිම පිළිබද මිනිපේ මොරයාය ප්‍රදේශවාසින් සිටින්නේ මහත් කළකිරුණු ස්වරූපයකිනි.
2010 වර්ශයේ මුල් මාසය වන විට ඉදිකරමින් පැවතුන පාලම ඇදහැලුන ප්‍රථම වර්ශාවටම ඔයට පෙරලි ගියේ ඉදිකරමින් තිබු පාලමේ තාක්ෂණික දෝෂ හේතුවෙන් බව ගම්වාසින් හට අනාවරණය කර ගත හැකි විණි. යකඩ කම්බි නොයොදා, 6-4 කලු ගල් මැදට පුරවා වටින් කොන්ක්‍රිට් බිත්තර කටුවක් සේ යොදා පැති බැමි කොන්ක්‍රිට් කර තිබිම ඔයට පෙරලුන කොන්ක්‍රිට් පැතිබැම්මෙන් දිස්විම තුලින් පාලම් ඉදිකිරිම් කලුගල් තාක්ෂණයේ අපුර්වයය කහටත් වටහා ගත හැකි විනි. පාලම පෙරලිමෙන් පසු ඉදිකිරිම් සිදුකල කොන්ත්‍රාත් කරුවන් හා වැඩ අධික්ෂණ නිළධාරින් හා වගකිවයුතු පුද්ගලයන් පාලම පෙරලිමට හේතුව ස්වාභාව ධර්මයට පවරා වාර්ථා සකසා ලිපි ගොනු රාශියක් පිළියෙල කර නිහඩ පිලිවෙත අනුගමනය කර මේ වන විට වසර පහකට අදික කාලයක් ගතවි ඇත. එවකට ව්‍යපෘතිය සදහා ඇස්තමේන්තු මුදල ලක්ෂ 35කි. පාලම පෙරලෙන විට ඒ සදහා කොන්ත්‍රාත් කරුවන් ලක්ෂ 23ක් ලබාගෙන තිබුනි. පාලම සකසාගන්නට ගම්මානයේ ගම්වාසිනට දැඩි උවමනාව තිබුනද වගකිවයුතු නිළධාරින් හා දේශපාලකයන් ඒ දෙස හැරිවත් බලන්නේනම් නැති බව ගම්වාසින් ප්‍රකාශ කර සිටි.
පාලම පෙරලි සති කිහිපයකට පසු මධ්‍යම පළාත් මහා අමාත්‍ය සරත් ඒකනායක මහතා එම ස්ථානය නිරික්ෂණයට පැමිණි අතර ඉදිකිරිම් වල දෝෂයක් හේතුවෙන් මෙම පාලම පෙරලි ඇති බව එතුමන්ගේ නිරික්ෂණයෙන් පසු මධ්‍ය සදහා අදහස් ප්‍රකාශ කල අතර ඉදිකිරිම් සිදුකල කොන්ත්‍රාත් කරුවන් හට දඩුවම් දි කඩිනමින් මේ පාලම නැවත සකසා දි ජනතාවට සෙත සලසාලන බව ප්‍රකාශ කලේය. එසේ ප්‍රකාශ කර වසර 4කට අධික කාලයක් ගතවි ඇතත් මේ වන තුරු කිසිවක් සිදු වි නොමැති බව ගම්වාසින් පවසති.
පාසල පන්සල රෝහල කඩමණ්ඩිය සදහා මොරයාය නගරය සදහා යායුතු අතර ඒ සදහා ආසන්නම මාර්ගය මෙම මාර්ගය වන අතර වර්ෂා සමයේ පාසැල් දරුවන්, ගැබිනිමව්වරුන්, වයෝවෘද්ද ගම්වාසින් මනන්නාඔයේ පැමිනෙන ජල කඳට එරෙහිව ගඟ තරණය කරන්නට නොහැකිව විශාල පිඩාවන් හට පත් වන අතර මේ වන විට පෙරලිමට ඔන්න මෙන්න ඇති කොන්ක්‍රිට් කණු හරහා යොදා ඇති පරාල කැබලි කිහිපයද මරු කපොල්ලක් වැනිය. පාසැල් දරුවන් කිහිපදෙනෙකුද මෙම මරු කපොල්ලේ ගමන් කිරිමට ගොස් ඔයට වැටි සති ගනන් අත පය කඩාගෙන නිවෙස් වල සිටින්නට සිදු වු බව ගම්වාසින් පවසන්නේ මහත් වු සිත් තැවෙලෙනි.
පාලම් හනන්න ඕන වතුරට ඔරොත්තු දෙන ආකාරයට ඒත් මේ මිනිපේ ප්‍රදේශයේ හදනා පාලම් පළමු වර්ශාවෙන්ම සොදාගෙන යන්නේ උඩසිටිනා දෙවියන්ටත් නොතේරෙන විදායට. ඒ තරමටම ඒවායේ ප්‍රමිතිය ඉහලයි. අධික්ෂණය නියමයි. ගැහිල්ල බොහොමයි. වේදනාව විද දරාගැනිමට නොහැකි තැන ගම්වාසියෙකු සිද්දියේ ඇත්තම තත්වය හා හේතුව වැමැරිය.

රටේ බදු ගෙවනා ජනතා මුදල් මේ ආකාරයෙන් නැති නාස්තිකරන්නට කොන්ත්‍රාත් කරුවනට ඉඩහසර ලබා දෙන්නට දේශපාලන නායකයන් අවස්ථාව සලසා දි ඇත. මෙවැනි වැරදිවලට දඩුවම්ද නොමැත. එම මුදල් නැවත අය කර ගන්නට ද ක්‍රමයක් නොමැත. මෙවැනි වැරදි සිදුකරනා කොන්ත්‍රාත් කරුවනට නිසි දඩුවම් ලබා දෙන්නේනම් ඔහුන් මෙවැනි වැරදි යලි කිසි දින සිදු නොකරනු ඇතැයි අපගේ විශ්වායයි.

එකම සතියක් තුල සර්ප දෂ්ඨකර ඇතුලත් කල රෝගි 4දෙනාම මියගිහින්

එකම සතියක් තුල සර්ප දෂ්ඨකර ඇතුලත් කල රෝගි 4දෙනාම මියගිහින් 
2014-11-13 පෙ.ව. 11:29

මහියංගන රෝහල සදහා සර්ප දෂ්ඨ කිරිම් හේතුවෙන් ප්‍රතිකාර සදහා ඇතුලත් කරනු ලැබු රෝගින් හතර දෙනාම මියගොස් ඇති අතර එකම සතියක් ඇතුලත මෙම සිදු විම සිදු වි ඇති අතර ඒ හේතුවෙන් සැකය හට ගන්නේ සර්ප විෂ සදහා එන්නත් කල ඇන්ටි වෙනම් සීරම් නැමති ප‍්‍රති විෂ එන්නතේ ප්‍රමිතිය පිළිබදවයි.
මෙලෙස මියගිය රෝගින් හතර දෙනාම රෝහල් ගත කර ඇත්තේ පොළොං දෂ්ට කිරිම් නිසා වන අතර එක් අයෙකු හැර අනික් තිදෙනාම තමන්ට දෂ්ටකල සර්පයා මරා හදුනාගැනිම සදහා රෝහල වෙත රැගෙනවිත් ඇති අතර අනෙක් තැනැත්තාද කියා තිබුනේ දෂ්ට කල සර්පයා පොළගෙකු බව තමන් ස්ථිරවම හදුනාගත් බවය.
ඉහත සර්ප දෂ්ටන හේතුවෙන් ප්‍රතිකාර සදහා රෝහල ගතකල රෝගින් හතර දෙනාම මියගොස් ඇත්තේ මෙම මස මුල් සතිය ඇතුළතදිය.
පදියතව කෙහෙල්උල්ල පදිංචි 65 වියැති ඒ.එම් සුදුබණ්ඩා සර්ප දෂ්ට කිරිම හේතුවෙන් මුලින්ම පදියතලාව රෝහලටද එතැනින් මහියංගන රෝහලවෙත වැඩිදුර ප්‍රතිකාර සදහා මාරු කිරිමෙන් අනතුරුව දැඩිසත්කාර ඒකකයේ දින 4ක් ප්‍රතිකාර ලබමින් සිටියදි මියගොස් ඇත. ඌරණිය ගඩුගුඩාව පදිංචි 46 හැවිරිදි ආර් එම් කුමාරිහාමි මහත්මියද පොළොන් දෂ්ට කිරිම හෝතුවෙන් මහියංගන රෝහල වෙත ඇතුලත් කිරිමෙන් පසු දැඩිසත්කාර ඒකකයේ ප්‍රතිකාර ලබමින් සිටියදි මියගොස් ඇත. මාපාකඩවැව පදිංචි 34 වියැති ආර් එම් සුමිත්‍රා නැමැති අයද කුඹුරේදි පොළොන් දෂ්ට කිරිමකට ලක් වි මහියංගන රෝහලේ ප්‍රතිකාර ලබමින් සිටියදි මියගොස් ඇත. විල්ගමුව ටොප්පලපිටිය පදිංචි 44 වියැති ඒ ජි ධර්මකුමාර නැමැති අය පොළොන් දෂ්ට කිරිමකට ලක් වි හදුන්ගමුව රෝහලට ඇතුලත් කිරිමෙන් පසු මහියංගන රෝහල වෙත මාරුකර යවා ඇති අතර එහිදි ප්‍රතිකාර ලබමින් සිටියදි මියගොස් ඇත.
මියගිය රෝගින්ගේ පව්ලේ ඥාතින් ප්‍රකාශ කරන පරිදි මහියංගන රෝහලේ විශේඥ වෛද්‍ය වරු ඇතුලු සියලු වෛද්‍යවරු රෝහල් කාර්ය මණ්ඩලය මෙම රෝගින්ගේ ජිවිත බේරාගැනිම සදහා විශාල පරිශ්‍රමයක් දැරු බවත් එසේ තිබියදි රෝගින් මිය ගිය බවයි. එසේම රෝහල් කාර්ය මණ්ඩලයේ කිසිදු අතපසුවිමක් පිළිබද මේ වනතුරු එම මරණයන් සම්බන්දයෙන් නොලැබි ඇති අතර සර්ප දෂ්ටයට පෙර ඔහුන් නිරෝගි සුවයෙන් පසු වු බව රෝගින්ගේ පව්ලේ ඥාතින් ප්‍රකාශ කරති.
රෝගින් හතර දෙනා සදහා සර්ප විෂ සදහා එන්නත් කරන ඇන්ටි වෙනම් සීරම් නැමති ප‍්‍රති විෂ එන්නත ලබා දි ඇති අතර ඔහුන්ගේ ජිවිත බේරාගැනිමට නොහැකිව තිබේ. ඒ අනුව සැමගේ සැකය එල්ලවන්නේ ප්‍රතිකාර සදහා ලබාදුන් එන්නත සම්බන්දවයි.

ඒ අනුව මහියංගණය මූලික රෝහලේ වෛද්‍ය අධිකාරී සෙනරත් බණ්ඩාර මහතා මේ පිළිබද සෞඛ්‍ය අමාත්‍යාංශය සහ පළාත් සෞඛ්‍ය සේවා අධ්‍යක්ෂ ජෙනරාල්වරිය දැනුවත් කිරීමට කටයුතු කර තිබෙනවා. ඒ අනුවයි සෞඛ්‍ය අමාත්‍යංශය අදාළ එන්නත පිළිබඳව පරීක්ෂණ ආරම්භ කර ඇත්තේ.

මේ අතර සර්ප විෂට ලබාදෙන මෙම ප‍්‍රතිවිෂ එන්නත සම්බන්ධයෙන් ගැටලූ පවතින බව තමන්ටද වාර්තාවී ඇතැයි රජයේ වෛද්‍ය නිලධාරින්ගේ සංගමය ප‍්‍රකාශ කළා. මේ නිසා එන්නතේ කි‍්‍රයාකාරිත්වය සම්බන්ධයෙන් තොරතුරු ලබා දෙන ලෙස තම සංගමයේ සියලූම ශාඛා වෙත දැනුම් දී ඇති බවයි එම සංගමයේ සහකාර ලේකම් වෛද්‍ය නලින්ද හේරත් මහතා සදහන් කලේය.

නංගිලා මල්ල්ලාට අත්වැලක් දිමට අයියලා අක්කලාගේ විද්‍යා ප්‍රදර්ශනය

නංගිලා මල්ල්ලාට අත්වැලක් දිමට අයියලා අක්කලාගේ විද්‍යා ප්‍රදර්ශනය

2014-11-12 පෙ.ව. 11:29

මෙවර සාමාන්‍ය පෙළ විභාගය සදහා පෙනි සිටින මහියංගන අධ්‍යාපන කලාපයේ සියලුම පාසැල් දරු දැරියන් වෙනුවෙන් මහියංගන ජාතික පාසලේ උසස් පෙළ විද්‍යා විශය හදරන සිසු සිසුවියන් හා ගුරුමඩුල්ල එක්ක විද්‍යා ප්‍රායෝගික පරික්ෂණ හා ආදර්ශන ඇතුලත් විද්‍යා ප්‍රදර්ශනයක් නොවැම්බර් 12-13-14 වන දින වල සංවිධානය කර ප්‍රර්ශනය කෙරේ.

මහියංගන ජාතික පාසලේ නව විදුහල්පතිනිය වන ජේ ඒ චන්ද්‍රාති මහත්මිය හා විද්‍යා අංශයේ චන්ද්‍රෙස්කර මොරටුවගේ හා එල් ඒ ආර් විමලරත්න යන ගුරුවරුන්ගේ පුර්ණ කැපකිරම මෙම ප්‍රදර්ශනය සදහා ලබා දි තිබුනි.

මෙවර අපොස සාමාණ්‍ය පෙළ විභාගයේ විද්‍යා විශයේ විෂය නිර්දේශයට අදාල සියලුම පරික්ෂණ  සිදුකර ප්‍රායෝගිකව සිදු කරමින් අත් විදිමින් ඉගෙන ගැනිමට මෙම ප්‍රදර්ශනයේදි අවස්ථාව සලසා දි තිබේ. එයින් මෙවර විභාග ඉලක්ක සාර්ථකව ලගා කර ගැනිමට අවශ්‍ය විෂය සමගාමි ප්‍රායෝගික ක්‍රියාකාරම් සියල්ල දැක බලා ගෙන ඉගෙන ගැනිමට අවස්තාව ලැබි ඇතැයි වෙනත් පාසැල් වලින් ප්‍රදර්ශනය දැක බලා ගැනිම සදහා පැමිණෙන දරු දැරියන් පවසති.

මහියංගණය රෝහල පරීක්ෂණයක් ඉල්ලයි.

මහියංගණය රෝහල පරීක්ෂණයක් ඉල්ලයි. 

2014-11-12 පෙ.ව. 11:29

සර්ප දෂ්ඨ කිරීම්වලට ලක්වන රෝගීන්ට ලබාදෙන  ඒ වී එස් හෙවත් ඇන්ටි වෙනම් සීරම් නැමති ප‍්‍රති විෂ එන්නතේ ක‍්‍රියාකාරිත්වය සම්බන්ධයෙන් සෞඛ්‍ය අමාත්‍යාංශය කඩිනම් පරීක්ෂණයක් ආරම්භ කර තිබෙනවා. මෙම එන්නත ආනයනය කරනු ලබන්නේ ඉන්දියාවෙන්. 

මේ සම්බන්ධයෙන්  කරුණු අනාවරණය වුණේ මහියංගණය රෝහලේ අධ්‍යක්‍ෂවරයා  මෙම එන්නත පිළිබඳ පරීක්ෂණයක් ඉල්ලා සෞඛ්‍ය අමාත්‍යාංශයට සිදුකළ දැනුම්දීමක් පිළිබඳ සොයාබැලීමේදියි. සර්පයින් දෂ්ඨ කිරීම හේතුවෙන් පසුගිය මාස 2 තුළ මහියංගණය රෝහලට ඇතුලත් කල රෝගීන් 4 දෙනෙකු මෙම එන්නත ලබාදීමෙන් පසුව මියගොස් තිබුණා. සර්ප දෂ්ඨ කිරීම් නිසා සිදුවන මරණ සංඛ්‍යාව සියයට 3 ක පමණ අවම අගයක් ගන්නා නිසා වෛද්‍යවරුන් සැක කරන්නේ එන්නතේ ක‍්‍රියාකාරීත්වයේ ඇති ගැටළුවක් නිසා රෝගී ජීවිත හානිවන බවටයි.

ඒ අනුව මහියංගණය මූලික රෝහලේ වෛද්‍ය අධිකාරී සෙනරත් බණ්ඩාර මහතා මේ පිළිබද සෞඛ්‍ය අමාත්‍යාංශය සහ පළාත් සෞඛ්‍ය සේවා අධ්‍යක්ෂ ජෙනරාල්වරිය දැනුවත් කිරීමට කටයුතු කර තිබෙනවා. ඒ අනුවයි සෞඛ්‍ය අමාත්‍යංශය අදාළ එන්නත පිළිබඳව පරීක්ෂණ ආරම්භ කර ඇත්තේ.

මේ අතර සර්ප විෂට ලබාදෙන මෙම ප‍්‍රතිවිෂ එන්නත සම්බන්ධයෙන් ගැටලූ පවතින බව තමන්ටද වාර්තාවී ඇතැයි රජයේ වෛද්‍ය නිලධාරින්ගේ සංගමය ප‍්‍රකාශ කළා. මේ නිසා එන්නතේ කි‍්‍රයාකාරිත්වය සම්බන්ධයෙන් තොරතුරු ලබා දෙන ලෙස තම සංගමයේ සියලූම ශාඛා වෙත දැනුම් දී ඇති බවයි එම සංගමයේ සහකාර ලේකම් වෛද්‍ය නලින්ද හේරත් මහතා සදහන් කලේ.

 

මහියංගන ප්‍රාදේශිය ලේකම් කාර්යාලයේ ව්‍යාජ ලිපිලේඛන සැකසු කාර්යාල කාර්ය සහයක පොලිස් අත් අඩංගුවට

මහියංගන ප්‍රාදේශිය ලේකම් කාර්යාලයේ ව්‍යාජ ලිපිලේඛන සැකසු කාර්යාල කාර්ය සහයක පොලිස් අත් අඩංගුවට
2014-11-11 පෙ.ව. 11:29

මහියංගන ප්‍රාදේශිය ලේකම් කාර්යාලයේ ප්‍රධාන කළමණාකාර වරයාගේ නිළ මුද්‍රාව හා අත්සන සහ මාපාකඩ වසමේ ග්‍රාම නිළධාරිවරයාගේ නිළ මුද්‍රාව හා අත්සන ව්‍යාජ ලෙස යොදා ලිපි ලේඛන සැකසු මහියංගන ප්‍රා දේශිය ලේකම් කාර්යාලයේ කාර්යාල කාර්ය සහයක සේවක වරයෙකු බදුල්ල පොලිස්ථානයේ විශ්‍රේෂ  අපර විමර්ශණ ඒකකය මගින් අත් අඩංගුවට ගෙන මහියංගන මහේස්ත්‍රාත් අධිකරණයට ඊයේ (09) ඉදිරිපත් කිරිමෙන් පසු ව්‍යාජ කූඨ ලිපි ලේඛන සැකසිමේ වරදට නොවැම්බර් 12 දින දක්වා රක්ෂිත බන්දනාගාර ගත කරන ලෙස මහියංගන මහේස්ත්‍රාත් අධිකරණයේ මහේස්ත්‍රාත් ගිතානි විජේසිංහ මෙනෙවිය විසින් නියෝග නිකුතර ඇත.

අහසට වෙඩි තබා පොලිස් නිළධාරින් බේරෙයි

පොලිස් කැබ් රථයට අලි ප්‍රහාරයක් - අහසට වෙඩි තබා පොලිස් නිළධාරින් බේරෙයි

2014-11-10 ප.ව. 1:10

රාත්‍රියේ මුර සංචාරයේ යෙදුන ගිරාදුරුකෝට්ටේ පොලිසියේ කැබ්රථයකට ඊයේ (09) රාත්‍රි වන අලි ප්‍රහාරයකට ලක්විමෙන් රථයේ ඉදිරිපස විදුරුව සම්පුර්ඛයෙන්ම බිදිගොස් රථයේ ගමන් ගත් පොලිස් නිළධාරියෙකු තුවාල ලබා ඇත.

සුපුරුදු ලෙස රාත්‍රි මුර සංචාරයේ යෙදුන පොලිස් කැබ් රථය මෙලෙස වන අලි ප්‍රහාරයකට ලක්ව ඇත්තේ ගිරාදුරුකෝට්ටේ ගින්නෝරුව ප්‍ර දේශයේ සයිමන් බොක්කුව අසලදි රාත්‍රි 10 පමණ මෙම වන අලි ප්‍රහාරය එල්ල වි ඇත. කැලෑ මණ්ඩියක් දෙසින් දිව ආ වන අලියෙකු මාර්ගයේ ගමන් කරමින් තිබු කැබ් රථයට පැන හොඩවැලෙන් පහර දි ඇති අතර ඉදිරිපස ගාත් බොනට්ටුව උඩ තබාද පහර දි ඇත. ඒ වන විය රථය තුළ පොලිස් නිළධාරින් පස්දෙනෙකු සිට ඇත. පොලිස් නිලධාරීහු වහාම ක්‍රියාත්මකවී අහසට වෙඩි තබා කෑගසා අලියා පන්නා දමා තිබේ. කුඩා විදුරු කැබලි වැදි එක් පොලිස් නිළධාරියෙකු සිරිම් තුවල ලබා ඇත.

ගිරාදුරුකෝට්ටේ හා මහියංගන අවට ගම්මාන රැසක  ජනතාව කාලයක් තිස්සේ මෙම වන අලි ගැටලු හා පිඩාවන් හේතුවෙන් නිරන්තර ගැටලු වලට මුහුණ දෙන අතර පොලිස් නිළධාරින් අතැතිව තුවක්කු තිබිම හේතුවෙන් අලි පන්නා ජිවිත ආරක්ෂා කර ගන්නට සමත් වු අතර ආයුද නොමැති සිවිල් ජනතාවගේ ජිවිත සැමදා මේ ආකාරයෙන් අනතුරේ දමා වගකිවයුතු නිළධාරින් හා දේශපාලන අධිකාරිය මුනිවත රකිමින් සිටි.

අනපේක්ෂිත වන අලි ප්‍රහාරටට ලක්වූ පොලිස් කැබ් රිය බදුල්ල 3-සහකාර පොලිස් අධිකාරී උජිත් එන්.පී.ලියනගේ මහතා හා ස්ථානාධිපති පො.ප.මොහාන් ද සිල්වා යන නිලධාරීහු පරීක්ෂා කරන අයුරු ඡායා රූපයේ දැක්වේ.

රටේ වි මෝල් වහල යකඩ වලට විකුණන්න වෙලා තියෙන්නේ

Hiru 9.30 news - 2014-11-09 
රටේ වි මෝල් වහල යකඩ වලට විකුණන්න වෙලා තියෙන්නේ - මෙදා පාර අය වැයෙන් සහන නෑ - ව්‍යාපාර සියල්ල කඩාවැටිලා 

රටේ විමෝල් හිමියන්හට මේ වන විට තම විමෝල් යකඩ සදහා විකිණීමට සිදු ඇතැයිද මෙවර අය වැය මගින්ද ඔහුන් සහනයක් බලාපොරොත්තුව සිටියද එය නොලැබුන බවත් මාධ්‍ය හමුවක් කැදවමින් මිනිපේ එක්සත් විමෝල් හිමියන්ගේ සංගමයේ සභාපති නිශාන්ත අත්තනායක මහතා අද (08) මිනිපේ දි ප්‍රකාශ කර සිටියා.
සුලු හා මධ්‍ය පරිමානයේ වි මෝල් හිමියන්හට මේ වන විට උග්‍ර ගැටලුවකට මුහුණ දි ඇතැයි ඔහුන් ප්‍රකාශ කරන අතර මිනිපේ යෝද ඇල ව්‍යාපාරය 1945 සිට පියර 1,2,3,4 ලෙස සංවර්ධනය වන වි ඇති බවත් මහනුවර දිස්ත්‍රික්කයේ ප්‍රධාන හා විශාලතම ගොවිජනපදය වන මිනිපේ ගොවිජනපදයේ මේ වන විට ප්‍රධාන නිෂ්පදනය ලෙස වි නිෂ්පාදනය කරන බවත් එම නිෂ්පදන මිළදි ගැනිම හා සහල් බවට පත් කරන විමෝල් 148ට අධික ප්‍රමාණයක් මිනිපේ ජනපදය තුළ ඇති පව ප්‍රකාශ කර සිටියේය. ඒ සියලු වි මෝල් හිමියන් සේම රටේම වි මෝල් හිමියන් මේ ආකාරයෙන් තම ව්‍යාපාර පවත්වාගෙන යෑමේ අපහසුබාවයට පත්ව ඇති බව ප්‍රකාශ කර සිටි.

මහියංගන ප්‍රා දේශීය සභාව කොට උඩ

මහියංගන ප්‍රා දේශීය සභාව මගින් මහියංගන නගරයේ කසල එක්රැස්කිරිම සදහා භාවිතා කරන උපකරණ හා කරත්ත දිර්ඝකාලයක් තිස්සේ අලුත්වැඩියා නොකිරිම හේතුවෙන් සේවකයන් විශාල අසිරුතාවයකට පත්ව සිටි. ඒ බව සනාත කර ගත හැකි කදිම ඡායාරෑපයක් ලබාගැනිමට අපහට හැකි විනි.

වසර ගනනාවක් තිස්සේ මහියංගන නගරයේ කසල එක්රැස්කරන සේවක මහතුන් විසින් භාවිතයට ගන්නා උපකරණ හා කරත්ත දිරාගොස් අබැලි තත්වයට පත්ව ඇත්තේ ඒවා නිසිලෙස මහියංගන ප්‍රා දේශීය සභාව මගින් නිසියාකාරව නඩත්තු නොකිරිම නිසාවෙනි. මේ හේතුව නිසා එම සේවකයන් මහත් සේ අපහසුතාවයට පත්ව ඇති අතර කරත්ත නිසිපරිදි නොමැති කම හේතුවෙන් නගරයේ පිරිසිදු කමද දිනෙන් දින පහල වැටෙමින් පවති.

බ්‍රිතාන්‍ය මහකොමසාරිස් ආදිවාසි නායක වන්නිලා ඇත්තන් හමුවට

බ්‍රිතාන්‍ය මහකොමසාරිස් ආදිවාසි නායක වන්නිලා ඇත්තන් හමුවට

2014-11-04 ප.ව. 4:05

මහා බ්‍රිතාන්‍ය මහකොමසාරිස් ජෝන් රැන්කින් මහතා ඊයේ (04) දහවල් ආදිවාසි නායක විශ්වකිර්ති වනස්පති වන්නිලා ඇත්තන් හමුවිමට දඹාන කොටබකිනිය ආදිවාසි ගම්මානයට පැමිනියේය. හමුවි දෙදෙනා සතුටු සාමිචියේ යෙදුනි.

රැන්කින් මහතා ආදිවාසි නායකතුමන්ගෙන්, ආදිවාසි ජන ජිවිතය හා ගැටලු සම්බන්දයෙන් කරුණු විමසා සිටි අතර ආදිවාසි නායකතුමන් ප්‍රකාශකර සිටියේ ඔහුන්ගේ විශ්ව විද්‍යාලය වනය (කැළය) බවත් ඔහුන්ගේ දරුවන් තම සංස්කෘතිය පිළිබද සියල්ල ඉගෙන ගනු ලබන්නේ එයින් බවත්, නමුත් වනය මේවන විට රක්ක්ෂිත කැළයක් බැවින් ඔහුනට යානොහැකි ස්ථානයක් බවට මේ වන විට පත් වි ඇති බව ප්‍රකාශ කර සිටියේය.

කොමසාරිස්වරයා විසින් ආදිවාසිනායකතුමන් හට තැගි බෝග පිළිගැන්වු අතර ආදිවාසි නායකතුමන් විසින් කොමසාරිස්වරයා හට සෙත් පතා කිරිකොරහා ශාන්ති කර්මයක් පැවැත්විය. එසේම මහා බ්‍රිතාන්‍ය මහකොමසාරිස් ජෝන් රැන්කින් මහතාගේ පැමිණිම සිහිවිම පිණිස අශෝක හා නා යන වෘක්ෂයන්ගේ පැළ රෝපණයක්ද සිදු කෙරිනි. පසුව ආදාවාසි නායකතුමන් විසින් ආදිවාසි රසවත් ආහාර වේලක් කොමසාරිස්වරයා වෙත සුදානම් කර තිබු අතර ඒ සදහා කුරක්කන් රොටි හා මිපැණි සේම බෙලිමල් පානයෙන්ද සංග්‍රහ කෙරුනි.

සැලසුම් අධ්‍යක්ෂක පොලිසි යයි - රිදිමාලියද්ද උප සභාපති ප්‍රාදේශිය ලේකම්කාර්යාලයේ සැළසුම් අධ්‍යක්ෂකට බැන තර්ජනය කර ලිපිගොනුවක් ඉරාදමලා

සැලසුම් අධ්‍යක්ෂක පොලිසි යයි - රිදිමාලියද්ද උප සභාපති ප්‍රාදේශිය ලේකම්කාර්යාලයේ සැළසුම් අධ්‍යක්ෂකට බැන තර්ජනය කර ලිපිගොනුවක් ඉරාදමලා

රිදිමාලියද්ද ප්‍රාදේශිය සභාවේ උප සභාපති වරයා අද (03) දහවල් රිදිමාලියද්ද ප්‍රාදේශීය ලේකම් කාර්යාලයට පැමිණ කාර්යාලයේ සැලසුම් අධ්‍යක්ෂකවරියට බැන තර්ජනය කර ලිපි ගොනුවක්ද ඉරා පොළවේ ගැසුවේ යැයි මහියංගන පොලිසියට සැලසුම් අධ්‍යක්ෂකවරිය විසින් පැමිණිල්ලක් ඉදිරිපත් කර අති බවට මහියංගන පොලිස් ආරංචි මාර්ග සදහන් කරනවා.
ව්‍යපෘතිවල ගිවිසුම්  සම්බන්දයෙන් පැවති අඩුපාඩු හේතුවෙන් ඒවා නිවැරදි කර නැවත ඉදිරිපත් කරන ලෙස දන්වා සිටි විට උප සභාපතිවරයා සැලසුම් අධ්‍යක්ෂකවරියට කාර්යාල භුමියේ අශෝබන ලෙස බැනවැදි එම ව්‍යාපෘති ගිවිසුම්  ඉරා විසිකර දමා ඇත. දේශපාලන නායකයන් කාර්යාලයට පැමිණ රාජ්‍ය සේවකයන්   හැල්ලුවට හා අපහසුතාවයට පත්වන අන්දමේ බැනතර්ජනයනය කර සිය රාජකාරියට බාදාකිරිම සම්බන්දයෙන් රිදිමාලියද්ද ප්‍රාදේශීය ලේකම් කාර්යාලයේ සැලසුම් අධ්‍යක්ෂකවරිය විසින් මහියංගන පොලිසියේ උප සභාපතිවරයාට විරුද්දව පැමිණිල්ලක් ඉදිරිපත් කර ඇත.
මේ සම්බන්දයෙන් රිදිමාලියද්ද ප්‍රාදේශිය සභාවේ උප සභාපති වරයාගෙන් දුරකථනයෙන් කරුණු විමසිමේදි ඔහු ප්‍රකාශ කර සිටියේ බැන තර්ජනය නොකල අතර තමා හරහා ගොවිසංවිධානයක් විසින්  ගමකුඹුර උතුර වසමේ බහුකාර්ය ගොඩනැගිල්ල සදහා වු ව්‍යාපෘතියේ ගිවිසුම තිබියදි වෙනත් ගොවි සංවිධානයක ගිවිසුමක් මෙම ව්‍යපෘතියට ඇතුලත් කර ඇති බවත් ඒ හේතුව නිසා පරණ ගිවිසුම ඔහුන් ඉදිරියේ තමා විසින් ඉරා විසිකර දැමු බවත් එය පිළිගන්නා බවත්  ප්‍රකාශ කර සිටි අතර බැන වැදි තර්ජනය නොකල බව ප්‍රකාශ කර සිටියේය.